Nissan GT-R

Die Nissan GT-R is 'n 2-deur 2+2-sportkoepee^[2] wat deur Nissan gebou word en die eerste keer in Japan in 2007 vrygestel is.^[3][4][5] Dit is die opvolger van die Nissan Skyline GT-R hoewel dit nie meer deel van die Skyline-reeks is nie.

Nissan GT-R

Oorsig
Vervaardiger	Nissan
Ook genoem	Godzilla
Produksie	Desember 2007-huidig
Montering	Kaminokawa, Tochigi, Japan[1]
Ontwerper	Shiro Nakamura
Bakwerk en onderstel
Klas	Sportmotor
Bakstyl	2-deur 2+2 coupé
Uitleg	Voorenjin, vierwieldryf
Platform	Nissan PM platform
Spesifikasies
Enjin(s)	3.8 L Nissan VR38DETT tweeling-turbo V6
Ratkas	6-gang outomaties (met dubbelkoppelaar)
Lengte	4656 of 4671 mm
Breedte	1895 of 1902 mm
Hoogte	1369 of 1372 mm
Massa	1740 kg
Asafstand	2780 mm
Plek in geskiedenis
Voorganger	Nissan Skyline GT-R

Tussen 1969 en 1974, en weer tussen 1989 en 2002, het Nissan 'n hoë werkverrigtingweergawe van sy Skyline sedan as die Nissan Skyline GT-R vrygestel. Hierdie motor is bewys om ikonies vir Nissan te wees^[6][7] en behaal vele roem en sukses op beide die oop pad en resiesbane.

Die Nissan GT-R, hoewel dit nie meer die "Skyline" embleem dra nie, het ooreenkomste met die Nissan Skyline GT-R, wat slegs beskikbaar was in die VSA as 'n grysmarkmotor. Soortgelyk aan die latere geslagte van die Skyline GT-R's, is die Nissan GT-R vierwielaangedrewe met 'n tweeling-turbo sessilinderenjin en het die kenmerkende vier ronde agterligte. Maar die GT-R is 'n heeltemal nuwe model wat min deel met sy Skyline-familie, en is 'n volledige herontwerp van die vorige Skylines eerder as 'n inkrementele evolusie; die vierwieldryf HICAS stelsel is verwyder en die vorige reguit-6 RB26DETT enjin is vervang met 'n nuwe V6 VR38DETT.^[8] Die GT-R het ook sy Skylinevoorganger se bynaam "Godzilla" behou,^[9] so genoem deur die Australiese motorpublikasie "Wheels" in sy Julie 1989 uitgawe.