Yoon Suk-yeol

Yoon is gebore in Bomun-dong in die Seongbuk-distrik van Seoel in 1960 gebore^[6] en het in Yeonhui-dong in die Seodaemun-distrik grootgeword.^[7][8] Sy pa, Yoon Ki-jung, is in Nonsan gebore^[9] en was 'n emeritusprofessor in ekonomie aan die Yonsei Universiteit en 'n volle lid van die Nasionale Akademie van Wetenskappe van die Republiek van Korea.^[7] Sy ma, Choi Seong-ja, is in Gangneung gebore en was 'n dosent aan die Ewha Womans Universiteit voordat sy die pos verlaat het om te trou.^[7]

Yoon het Laerskool Daegwang en Laerskool Joongrang byggewoon voordat hy na Laerskool Choongam oorgeplaas is nadat hy graad ag voltooi het. Hy het aan Hoërskool Choongam gematrikuleer^[10] en daarna regte aan die Seoel Nasionale Universiteit gestudeer.^[7][11][12]

Yoon is in 1982 van nasionale diens vrygestel weens anisometropie.^[13] Yoon het later bygevoeg dat hy weens die toestand nie 'n bestuurslisensie kon kry nie.^[13]

Yoon het in sy vierde-jaar die eerste gedeelte van die nasionale balie-eksamen geslaag maar die tweede gedeelte gedruip.^[7][11] Hy het dit vir nege jaar aanhou druip totdat hy in 1991 die balie-eksamen geslaag het.^{[7][10][11][12][8]}

Yoon het in 1994 sy loopbaan in die Daegu-aanklaer se kantoor begin.^{[7][10][11][12][8]} Hy was hoof van die Spesiale Tak en Sentrale Ondersoekafdeling, wat albei korrupsieverwante sake ondersoek.^[7] In 1999 het hy vir assistent-kommissaris Park Hui-won, wat korrup was,^[14][8] laat arresteer ten spyte van sterk besware van burokrate in die Kim Dae-jung kabinet.^[7]

In Januarie 2002 het Yoon vir 'n kort rukkie as 'n prokureur by Bae, Kim & Lee gewerk. Hy het van die regsfirma bedank omdat hy gevoel het dat hy nie geskik was vir die pos nie.^[8] Met sy terugkeer as 'n aanklaer het hy ondersteuners van Roh Moo-hyun soos Ahn Hee-jung en Kang Keum-won vervolg.^[7] In 2006 het hy vir Chung Mong-koo aangekeer vir sy aandadigheid in 'n slenterfondssaak by die Hyundai Motormaatskappy.^[7][8] In 2008 het hy vir die onafhanklike raadspan gewerk om die BBK-aandeleprysmanipulasie-voorval op te los.^[7]

In 2013 het Yoon 'n spesiale ondersoekspan gelei wat na die Nasionale Intelligensiediens (NIS) se betrokkenheid by die 2012 NIS-publiekemeningmanipulasieskandaal gekyk het. Yoon het die voormalige hoof van die NIS, Won Sei-hoon vervolg vir sy oortreding van die Openbare Amptelike Verkiesingswet. Hy het die minister van justisie Hwang Kyo-ahn daarvan beskuldig dat hy sy ondersoek beïnvloed het.^[15] As gevolg hiervan is hy van die Seoel-aanklaerskantoor na die Daegu en Daejeon Aanklaerskantoor gedemoveer.^[16][15]

Yoon is later as hoof van ondersoeke in die spesiale aanklaerspan van Park Young-soo aangestel, wat bewerings ondersoek het oor die 2016 Suid-Koreaanse politieke skandaal waarby Choi Soon-sil, Samsung ondervoorsitter Lee Jae-yong en destydse president Park Geun-hye betrokke was.^[16]

Op 19 Mei 2017 het nuutverkose president Moon Jae-in vir Yoon as die hoof van Seoel se sentrale distriksaanklaerskantoor aangestel.^[12] Die vervolging het twee voormalige presidente Lee Myung-bak en Park Geun-hye, drie voormalige NIS-hoofde, voormalige hoofregter Yang Sung-tae en meer as 100 ander voormalige amptenare en sakebestuurders onder sy ampstermyn aangekla.^[17] Yoon het ook 'n ondersoek na rekeningkundige bedrog by Samsung gelei.^[15]

Op 17 Junie 2019 het Moon vir Yoon vir die amp van anklaer-generaal van Suid-Korea genomineer.^[11][8] Yoon is op 16 Julie amptelik tot die pos aangewys en het nege dae later met sy termyn begin.^[18]

Op 24 November 2020 het minister van justisie Choo Mi-ae vir Yoon uit sy pos geskors. Choo het beweerde etiese skendings, magsmisbruik en inmenging in ondersoeke van sy medewerkers en familielede as sy redes vir die skorsing gegee.^[19] Yoon het 'n aansoek vir 'n interdik teen die minister se skorsingsbevel ingedien, wat op 1 Desember deur die Seoul Administratiewe Hof goedgekeur is, wat die skorsing tydelik gestop het.^[20][21] Op 16 Desember het die Ministerie van Justisie vir Yoon vir twee maande geskors en vier van die ses groot aanklagte vir dissiplinêre stappe aanvaar.^[22] Die besluit is daarna deur president Moon goedgekeur. Op 24 Desember, na 'n bevel wat by die Seoel Administratiewe Hof ingedien is, is die skorsing egter omgekeer aangesien die hof Yoon se bewering aanvaar het dat die proses om hom te skors onbillik was.^[23]

Op 4 Maart 2021 het Yoon as aanklaer-generaal van Suid-Korea bedank.^[24] Yoon het op 29 Junie 2021 sy kandidatuur vir die 2022 presidentsverkiesing aangekondig.^[25] Hy was eers 'n onafhanklike kandidaat.^[26]

Op 30 Julie 2021 het Yoon by die konserwatiewe People Power Party aangesluit.^[26] Hy het op 5 November 2021 die party se boenoeming vir die presidentsverkiesing gewen.^[27][28]

Yoon het die presidentsverkiesing op 11 Maart 2012 net-net gewen en hy is op 10 Mei 2022 ingehuldig.^[29]

• Wikimedia Commons het meer media in die kategorie Yoon Suk-yeol.

Hierdie artikel is in sy geheel of gedeeltelik vanuit die Engelse Wikipedia vertaal.