17. Mai

Dr 17. Mai isch dr 137. Dag vum Gregorianische Kalender (dr 138. in Schaltjohr), dodermit blybe no 228 Däg bis zum Änd vum Johr.

Was isch bassiert?

1654: Dr Rychsdag z Regensburg, wu anne 1653 unter em Chaiser Ferdinand III. zum erschte Mol noch em Dryssgjehrige Chrieg zämmedrätten isch, wird mit em Jingschte Rychsabschid ufglest. S isch dr letscht Rychsabschid vu dr Gschicht, wel anne 1663 dr „Immerwährend Rychsdag“ geschaffe wird.
1814: Z Norwääge het men e Verfassig aagnoo, wo scho doozmool ganz modäärn gsy isch und em Chünig ekeis Vetorächt zuegstande het. Si gilt bis hüt, und de Tag isch de norwäägisch Nationalfyrtig.
1835: In syre Enzyklika Commissum divinitus verurdailt dr Papscht Gregor XVI. d Badener Artikel zum Verhältnis zwische Chilche un Staat in dr Schweiz.
1885: Dr Chaiser Wilhelm I. stellt dr dytsche Neuguinea-Kompagnie e „Schutzbrief“ iber d Hohaitsrächt fir Kaiser-Wilhelms-Land un dr Bismarck-Archipel uus.
2006: Bim Ysebahnunglück im Dürrenascht z Thun kollidiert e Bouzug mit brämsete Bouwäge. Drü Lüt chömme bi däm Unglück um ds Läbe.
2012: Z Papua-Neiginea wäre us Dischtrikt vu dr Provinze Southern Highlands un Western Highlands zwo neji Provinze bildet: Hela un Jiwaka.

Commons: 17. Mai – Sammlig vo Multimediadateie