Ch (Digraph)

Dä Artikel beschriibt d Wortkombination "ch". Für d'Schwiiz, wo als Abkürzig "CH" hett, lueg under Schwiiz.

S <ch> isch en Digraph im latiinische Alphabet. Je nooch Sprooch wird die Buechstabekombination unterschidlich ussgsproche.

Im Alemannische stoot er für de Luut [x] oder [χ] wie im Wort "Chind" oder "Chuchichäschtli". Im gröschte Deil vum Niideralemannische un em Hochdütsche cha er usserdäm für de Allophon [ç] ("ich-Luut") stoo. In viilene Fremdwörter, vorallem usem Griechische, wie "Chemie" oder "chronisch" cha s <ch> au für [k] stoo, i französische Wörter wie "recherchiere" oder "Charlotte" au für [ʃ] un i Wörter wie "Ranch" oder "Chip" usem Spanische bzw. Änglische au für [tʃ].

Im Französische stoot <ch> meischtens für [ʃ]: chanson - Lied.
Im Änglische für [tʃ] (church -Chilch), [ʃ] (chandelier) oder [k] (architecture).
Im Spanische ällewell für [tʃ]: leche - Milch.
Im Xhosa un Zulu stoot <ch> für de behuuchte velar-dentale Schnalzluut.
In viilene Slawische Sprooche, em Walisische un em Irisch- un Schottisch-Gälische stoot es wie im Dütsche für [x].