ETH Züri

Wo sich ds jung Land im 19. Jahrhundert zumne Bundesstaat entwicklet hett, hett me sich gfroget, ob me nebscht kantonale Universitäte, au e „eidgenössischi“ gründe sött, wo vum Bund betribe würd und nid vu de Kantöön. Am 7. Februar 1854 hett d de Bundesroot drzue es Gsetz verabschidet, wo die Schuel als „eidgenössische polytechnische Schule in Verbindung mit einer Schule für das höhere Studium der exakten, politischen und humanistischen Wissenschafte“ definiert. 1855 isch denn d Hochschuel als „eidgenössisch polytechnischi Hochschuel“ in Betriib gnah worde. Will di katolische Kantöön es „Bildigsmonopol“ vu nem protestantische Kantoon hend verhindere welle, hett s nu e chliini Ahzahl vu Fächer a dere Schuel ggää.

Um für di neu Bildigsstett es Gebüüde baue zchönne, hett dr Kantuu und d Stadt Züri en Wettbewerb gstartet, wo d Architekte drzue bewoge hett, Vorschläg für ds Ussehe vum Gebüüde zmache. Dr damalig Professor Semper hett dr Wettbewerb gunne und hett z Gebüüde baue chönne. De Nordflügel isch für ds Polytechnikum gsii, de Südflügel für d Universität Züri. D Uni isch denn 1914 in en äiges Huus uuszoge.

An der ETH entstöhn hüt jedes Johr meh as 700 Dissertatione und über 1600 Master-Diplom wärde vergää.

De ETH het im Johr 1855 mit 68 Studente agfange, sit denn isch ihri Zahl die ganz Ziit grösser worde. Sit 1968 het d Zahl vo de Studentinne stark zuegno und hüte si fast 30 % vo de Studierende Fraue.

Im Joor 2018 existiere 23 Bachelorstudiegäng mit 8500 Studierende, 43 Masterstudiegäng mit 4700 Studierende (Master) und es si 3800 Doktorierendi iigschriibe.^[2]

Departemänt

Tabelle: Stand 2013