D Uniwersidäät Nöieburg

D Uniwersidäät goot zrugg uf t Akademii, wo 1838 dr Friedrich Wilhelm IV. vo Pröisse, wo denn Fürscht vo Nöieburg gsi isch, gründet het. D Akademii isch 1848 vom Grosse Root zuedoo worde, 1866 widereröffnet und 1909 in en Uniwersidäät umgwandlet worde.

D Uniwersidäät Nöieburg het im Joor 2014 öbbe 4400 Studierendi und 587 akademischi Mitarbäiter mit 117 Brofessuure gha. Öbbe 55 Brozänt vo de Studierende si Fraue.

Fakultääte

D Uniwersidäät het fümf Fakultääte:

• Gäistes- und Humanwüsseschafte (Faculté des Lettres et Sciences Humaines)
• Naturwüsseschafte (Faculté des Sciences)
• Rächtswüsseschaft (Faculté de Droit)
• Theologii (Faculté de Théologie)
• Wirtschaftswüsseschafte (Faculté des Sciences Economiques)

S Hauptgeböid, wo e Däil vo dr Verwaltig, d Faculté des Sciences économiques et sociales und e Däil vo dr Faculté de Droit din si, und s Geböid vo dr Faculté des Lettres et Sciences Humaines lige diräkt am Nöieburgersee.

D Faculté des Lettres et Sciences Humaines het öbbe 2000 Studuerendi und isch die grössti Fakultäat vo dr Uniwersidäät.^[1] Si bietet Abschlüss aa in Anglistik, Archeologii, Ethnologii, Geografii, Germanistik, Gschichtswüsseschaft, Schurnalistik, Klassischi Filologii, Kunstgschicht, Linguistik, Pedagogik, Filosofii, Psüchologii und Romanistik.

An dr Theologische Fakultäät cha mä wie an de Unis vo Gämf und Lausanne evangelischi Theologii studiere.

Institut

Die wichdigste Institut si:

• Laboratoire de traitement du langage et de la parole
• Centre des recherches sémiologiques
• Institut de langue et civilisation françaises
• Institut de l’ethologie et de l’anthropologie, mit em aagschlossnige Musée d’Ethnographie.

Bi der Uni isch au s Wälschschwiizer Mundartwörterbuech, s Glossaire des patois de la Suisse romande.

Internationals Renommee het d Uniwersidäät Nöieburg für iiri Institut für Biologii, Ethnologii, Gsundhäitsrächt, Mikrotechnik und für s Institut de recherches économiques et régionales (IRER).

D Verwaltig

S Jooresbüdsche vo dr Uniwersidäät Nöieburg isch öbbe 120 Millione Schwizer Franke, vo dene falle 30 Millione uf Forschigskredit.

Sit 2016 isch dr Kilian Stoffel der Räkter vo der Uni. Är het d Martine Rahier abglöst, wo die ersti Frau in däm Boste in dr Wälschschwiz gsi isch.

• Dominique Quadroni: Universität Neuenburg In: Historisches Lexikon vo dr Schwiiz.

 Commons: Uniwersidäät Nöieburg – Sammlig vo Multimediadateie

• Website vo dr Uniwersidäät Nöieburg

0V Hochschuele i de Schwyz

Staatlichi Universitete	Universitet Baasel • Universitet Bärn • Universitet Fryburg • Universitet Gämf • Università della Svizzera italiana • Universitet Lausanne • Universitet Lozärn • Universitet Nöieburg • Universitet Sanggale • Universitet Züri
Technische Hochschulen	École polytechnique fédérale de Lausanne • ETH Züri
Fachhochschuele	Bärner Fachhochschuel • Fachhochschuel Graubünde • Fachhochschuel Les Roches-Gruyère • Hochschuel Lozärn • Fachhochschuel Nordweschtwyz • Fachhochschuel Oschtschwyz • Scuola universitaria professionale della Svizzera italiana • Fachhochschuel Weschtschwyz • Zürcher Fachhochschuel • Kalaidos Fachhochschuel
Pedagogischi Hochschuele	HEP BEJUNE • PH Bärn • PH Fryburg • PH Graubünde • SUPSI DFA • PH Lozärn • FH Nordweschtschyz PH • SHL Rorschach • PH Schaffuuse • PH Schwyz • PH Sanggale • PH Thurgau • HEP Vaud • PH Wallis • PH Zug • HfH • PH Züri

46.993926.9386246° 59′ 38,1″ N, 6° 56′ 19″ O; CH1903: 561967 / 204884