Excavata
| Excavata | ||||||
|---|---|---|---|---|---|---|
 Trichomonas vaginalis | ||||||
| Systematik | ||||||
| ||||||
| Wüsseschaftlige Name | ||||||
| Excavata | ||||||
| Cavalier-Smith, 2002, emend. Simpson, 2003 |
D Excavata sin e Gruppe vu Läbewäse, wu zue dr Eukaryote (Läbewäse mit Zällchärn) gstellt wäre. D Syschtematik vu dr Eukaryote vu Adl et al. 2005 fiert d Excavata as aini vu dr sechs Taxa vu däre Domäne. Zue ihne ghere uusschließlig aizälligi Organisme, wu uusnahmslos Gaißle drage. Bi dr Euglenozoa git s Forme mit Chloroplaschte, wu Photosynthes chenne dryybe.
Merkmol
Dr Name hän d Excavata vu ihrem typisch gformte Zällmuul (Cytostom) mit ere uusbregte Muulgrueb („excavate“ Typ), wu s bi dr maischen Arte git. D Muulgrueb wird vu dr maischten Arte gnutzt go Nahrigspartikel yyzfangen un per Phagozytos in d Zällen ufznee.
D Euglenozoa hän im Stammartmuschter Chloroplaschten chenne dodermit as ainzigi Gruppe in dr Excavata Photosynthes mache. D Chloroplaschte sin aber bin ere Zylede vu Taxa mit ere parasitäre Läbeswyys wider reduziert.
Syschtematik
Adl u. a. glidere d Excavata in sibe Gruppen ohni klassischi Rangstapfle.
- Fornicata
- Malawimonas
- Parabasalia
- Preaxostyla
- Jakobida
- Heterolobosea
- Euglenozoa
Vunenander unabhängigi molekulargenetischi Untersuechige hän anne 2008 belait, ass d Gattig Stephanopog, wu lang as uusicher Taxon bi dr Eukaryote gfiert woren isch, s Schweschtertaxon vu dr Gattig Percolomon isch (bi Adl no Vahlkampfiidae). D Gruppe, wu us däne bode Gattige bildet wird, isch s Schweschtertaxon vu dr Heterolobosea. No Cavalier-Smith stelle di bode Gruppe zämme as Percolozoa d Schweschtergruppe vu dr Euglenozoa.[1][2]
Literatur
- Sina M. Adl, Alastair G. B. Simpson, Mark A. Farmer, Robert A. Andersen, O. Roger Anderson, John A. Barta, Samual S. Bowser, Guy Bragerolle, Robert A. Fensome, Suzanne Fredericq, Timothy Y. James, Sergei Karpov, Paul Kugrens, John Krug, Christopher E. Lane, Louise A. Lewis, Jean Lodge, Denis H. Lynn, David G. Mann, Richard M. McCourt, Leonel Mendoza, Øjvind Moestrup, Sharon E. Mozley-Standridge, Thomas A. Nerad, Carol A. Shearer, Alexey V. Smirnov, Frederick W. Spiegel, Max F. J. R. Taylor: The New Higher Level Classification of Eukaryotes with Emphasis on the Taxonomy of Protists. The Journal of Eukaryotic Microbiology 52 (5), 2005; S. 399-451
Weblink
Commons: Excavata – Sammlig vo MultimediadateieFueßnote
 | Dä Artikel basiert uff ere fräie Übersetzig vu dere Version vum Artikel „Excavata“ vu de dütsche Wikipedia. E Liste vu de Autore un Versione isch do z finde. |