Gent–Wevelgem

Gent–Wevelgem isch e belgisch Radränne. S Eidagsränne, wu syter anne 1934 in dr belgische Weschtprovinze durgfiert wird, ghert syt dr Yyfierig vu dr UCI ProTour 2005 zue däre Rännserie vu dr wichtigschte Radränne im Johr. D Strecki vu Gent–Wevelgem het im Gegesatz zue dr maischte andre flämische Friejohrsklassiker e relativ flach Profil. S grescht Hindernis isch dr Kemmelberg, e typisch flämischi Helling (alem.: Stich) mit eme churze, aber extrem gäche un nit asfaltierte Aastig.

Gent–Wevelgem
Gent–Wevelgem 2010: dr Tiziano Dall'Antonia un dr Daniele Bennati am Kemmelberg
Uusdragigsland	Belgien Belgie
Uusdragigszytruum	April
Ränntyp	Eidagesränne
Erschti Uflag	1934
Erschte Siiger	Flagge Belgiens Gustave van Belle
Rekordsiiger	Je 3 Siig: Flagge Belgiens Robert Van Eenaeme Flagge Belgiens Rik Van Looy Flagge BelgiensEddy Merckx Flagge ItaliensMario Cipollini Flagge der SlowakeiPeter Sagan Flagge Belgiens Tom Boonen

S flach Profil vum Ränne wirkt si au uus uf d Sigerlischt. E Sprinter wie dr Mario Cipollini het dää Klassiker zem Byschpel drejmol chenne gwinne. Au d Belgier Eddy Merckx, Rik Van Looy un Robert van Eenaeme het des Ränne drejmol gwunne. Di einzige dytsche Siger sin dr Andreas Klier (2003) un de Marcus Burghardt (2007). Dr einzig Schwyzer, wu des Ränne gwunne het isch, dr Rolf Graf anne 1954 gsi. Im Johr 2010 het zem erscht Mol e Eschtryycher gwunne, dr Bernhard Eisel.