Glaris Süd
Glaris Süd isch e politischi Gmaind im Kantuu Glaris.
| Glarus Süd | |
|---|---|
 | |
| Basisdate | |
| Staat: | Schwiiz |
| Kanton: | Glaris (GL) |
| Bezirk: | (De Kantuu Glaris kännt kai Bezirk.) |
| BFS-Nr.: | 1631 |
| Poschtleitzahl: | 8756 Mitlödi 8762 Schwanden 8762 Schwändi 8762 Sool 8765 Engi 8766 Matt 8767 Elm 8772 Nidfurn 8773 Haslen 8774 Leuggelbach 8775 Luchsingen 8777 Betschwanden 8782 Rüti 8783 Linthal 8784 Braunwald |
| Koordinate: | / 20611646° 59′ 40″ N, 9° 4′ 27″ O; CH1903: 724397 / 206116 |
| Höchi: | 521 m ü. M. |
| Flächi: | 430[1] km² |
| Iiwohner: | 9528 (31. Dezämber 2022)[2] |
| Gmeindspräsident: | Mathias Vögeli (BDP) |
| Website: | www.glarus-sued.ch |
 Bligg vu Bruwald über Linthel uf de Tödi | |
| Charte | |
 | |
Geografii
Zur Gmaind Glaris Süd ghört s Grosstal, das isch s hinderi Linthtal, und s Chliital, das isch s ganzi Sernftal. De tüüfschti Punggt vu dä Gmaind isch au glichzytig där nördligscht Punggt, und där isch uf 481 m ü. M. Er isch z Mitlödi under de Brugg, wo vu Holestai über d Linth uf Eneda füert.
De höggscht Punggt vu de Gmaind isch där gliich wie der vum Kantuu, er isch im Süde vu de Gmaind und isch de Gipfel vum Tödi, mit enere Höchi vu 3'614 m.
Vo Aafang 2011 aa bis Endi 2014 isch si mit enere Flechi vu 430 km² di gröschti politischi Gmaind vu de Schwiz gsi, sithär isch Scuol weg de Fusion um 8,63 km² grösser. Als Vergliich zur Flechi; de Kanton Basel-Stadt het 37 km², beed Kantön Appezäll händ zemme 416 km².[3]
Gschicht
Die Gmaind isch im Rahme vu de Glarner Gmaindsreform per 1. Jänner 2011 entstande, wo di bishärige Gmainde Betschwande, Bruwald, Elme, Engi, Hasle, Linthel, Luchsige, Matt, Mitlödi, Rüti, Schwande, Schwändi und Sool zu de nüüe Gmaind Glaris Süd fusioniert händ.
Bevölkerig
| Johr | 2012 | 2013 | 2014 | 2015 |
| Iiwohner | 9'859 | 9'836 | 9'761 | 9'661 |
D Gmaind git uf ihrere Website d Bevölkerig per 31. Dezember 2016 mit 9'797 Iiwohner a.[4]
Verchehr
D Gmaind isch vu Ziegelbrugg über Glaris z Tal hindere bis Linthel mit ere Strass und ere Linie vu de SBB erschlosse. Ab Schwande wird s Sernftal uf de Strass mit eme Busbetriib bis Elme bedient. I früenrige Zite isch au döt a Bähnli gfahre. Ab Linthel fahrt e Standsailbahn uf 1'256 m is autofrei Bruwald ufe. Im Winter isch s Sernftal und s hindere Linthtal e Sackgass für Motorisierti. I de Summermönet, wänn d Strass über de Chlause offe isch, cha me via Urnerbode uf Altdorf fahre, mit eme private Fahrzüg oder mit em Postauto.
Lüüt
- Balz Zimmermaa (1895–1937), Aviatikpionier, vo Schwändi
Weblink
Commons: Glarus Süd – Sammlig vo Multimediadateie