Dschuul

Physikalische Einheit
Naame vo dr Äihäit	Joule (Dschuul)
Äihäitszäiche	$\mathrm {J}$
Füsikaalischi Gröössi	Energii, Aarbet, innere Energii, Wermi
Formlezäiche	$E;\,W;\,U;\,Q$
Dimensioon	${\mathsf {M\;L^{2}\;T^{-2}}}$
In SI-Äihäite	$\mathrm {1\,J=1\;{\frac {kg\,m^{2}}{s^{2}}}=1\;{N\,m}}$ $\mathrm {=1\;{V\,A\,s}=1\;{C\,V}=1\;{W\,s}}$
In CGS-Äihäite	$\mathrm {1\,J=10^{7}\;erg=10^{7}\;{\frac {cm^{2}\,g}{s^{2}}}}$
Benennt noch	James Prescott Joule

Joule [dʒuːl] isch im Internazionaale Äihäitesüsteem (SI) d Maassäihäit vo dr Energii. Si isch noch em James Prescott Joule benennt und wird hüte as Äihäit für alli Energiiforme brucht, also au für d Aarbet und Wermimängi.^[1]

Definizioon

S Joule isch d Aarbet, wo verrichdet wird, wenn d Chraft vo äim Newton über e Strecki vo äim Meter aagwändet wird.^[2] Es isch d Energii, wo bin ere Läistig vo äim Watt in äinere Sekunde umgsetzt wird. Es gältet:

\mathrm {1\;J=1\;N\cdot m=1\;W\cdot s=1\,{\frac {kg\,m^{2}}{s^{2}}}}

Bischbil us em Alldaag

E Joule isch d Energii, wo brucht wird, zum:

e Körper mit dr Gwichtschraft vo 1 Newton – das entspricht ere Masse vo öbbe 0,102 Kilogramm wie öbbe ere Daafele Schoggi – äi Meter uflüpfe (1 Newtonmeter) oder
e Körper mit dr Masse 2 Kilogramm, wo sich nid bewegt, uf e Gschwindikäit vo 1 m/s z beschlüünige oder
äi Sekunde lang d Läistig vo äim Watt – das isch öbbe d Läistig vom e menschlige Härz – z löiste (1 Wattsekunde) oder
bin ere elektrische Spannig vo äim Volt äi Sekunde lange en elektrische Stroom vo äim Ampere fliesse loo (1 Voltamperesekunde) oder
äi Gramm Wasser um öbbe 0,239 Graad ufwerme.

Wenn mä Näärwärt aagit, wärde Kilojoule (kJ) – bezooge uf 100 g, 100 ml oder 1 Porzioon – brucht, für zum dr phüsioloogisch Brennwärt aagee.^[3]

Ussprooch

S Wort „Joule“ wird underschiidlig usgsproche: Im dütsche Sproochruum wird d Ussprooch [dʒuːl] brucht, woorschinlig het dr James Prescott Joule si Naame au eso gsäit.^[4]

Kwelle

Dr Ardikel «Joule» uf dr dütsche Wikipedia

Fuessnoote

[1]

[2]

[3]

[4]

Search