Megaclite (Mond)
 | Dä Artikel beschäftigt sich mitem Mond Megaclite vum Planet Jupiter, anderi Bedütige vu dem Begriff findener under Megaklite |
| XIX Megaclite | |
|---|---|
| Vorläufigi Bezeichnig | S/2000 J 8 |
| Zentralchörper | Jupiter |
| Eigeschafte vum Orbit | |
| Grossi Halbax | 23.806.000 km |
| Periapsis | 13.783.700 km |
| Apoapsis | 33.828.300 km |
| Exzentrizität | 0,421 |
| Bahnneigig | 152,8° |
| Umlaufzitt | 752,8 Däg |
| Middleri Orbitalgschwindigkeit | 2,30 km/s |
| Physikalischi Eigeschafte | |
| Albedo | 0,04 |
| Schinbari Helligkeit | 21,7 mag |
| Middlerer Durchmesser | 5 km |
| Masse | 2,1×1014 kg |
| Fallbeschlünigung an dr Oberflächi | ≈ 0 m/s² |
| Fluchtgschwindigkeit | ≈ 0 m/s |
| Entdeckig | |
| Entdecker | IFA Hawaii |
| Datum vu dr Entdeckig | 25. November 2000 |
| Dialäkt: Markgräflerisch (Ebringe) |
D' Megaclite bzw. Megaklite (Jupitermond XIX) isch ein vu dr ussere Zwergmönd vum Planet Jupiter.
Entdeckig
D'Megaclite isch am 25. November 2000 vu de Astronome Scott S. Sheppard, David C. Jewitt, Yanga R. Fernández un Eugene A. Magnier entdeckt un het zuenächst die vorläufig Bezaichnig S/2000 J 8 erhalde.
Daift worre isch der Mond uf d'Megaklite, ere Geliebte vum Zeus us de grichische Mythologi.
Bahndate
D'Megaclite umchraist de Jupiter ime middlere Abstand vu 23.493.000 km in 752 Däg, 21 Stund un 7 Minute. D'Bahn wiist ä Exzentrizität vu 0,4197 uf. Mit ere Naigig vu 152,769° isch d'Bahn retrograd, des haißt, der Mond beweggt sich entgege vu de Rotationsrichtig vum Jupiter um de Planet.
Ufgrund vu ihre Bahnaigeschafte wird Megaclite de Pasiphae-Gruppe, benennt nooch em Jupitermond Pasiphae, zuegordnet.
Physikalischi Date
D'Megaclite besitzt ä Durmesser vu etwa 5,4 km. Ihri Dichte wird under de Anahm vum ä Ufbau us silikatischem Gstai uf 2,6 g/cm3 gschätzt.D'Megaclite wiist ä sehr dunkli Oberflächi mit ere Albedo vu 0,04 uf, d. h., bloß 4 % vum igstrahlte Sunneliecht werre reflektiert. Ihri schinbar Helligkeit betrait 21,7m.
Wie bi allene ussere, chleine Jupitermönd sin die Date iber die physikalische Eigeschafte sehr usicher. Sälli Mönd sin so chlei, dass si au in dr gröschte irdische Teleskope numme e winzigs Liechtpünktli sin. Si sin au sowit ewegg vum Jupiter, dass keini vu dr bisherige Jupitersonde e Vorbiflueg undernumme het. Doher wird sich - es isch wohl uf längeri Zitt kei Sonde meh bim Jupiter - die schlecht Datelag au in de nächschte Johrzehnte nit ändere.
 | Dä Artikel basiert uff ere fräie Übersetzig vum Artikel „Megaclite_(Mond)“ vu de dütsche Wikipedia. E Liste vu de Autore un Versione isch do z finde. |