Themisto (Mond)
 | Dä Artikel beschäftigt sich mitem Mond Themisto vum Planet Jupitèr, anderi Bedütige vu dem Begriff findener under Themisto |
| XVIII Themisto | |
|---|---|
| Vorläufigi Bezeichnig | S/2000 J 1 S/1975 J 1 |
| Zentralchörper | Jupiter |
| Eigeschafte vum Orbit | |
| Grossi Halbax | 7.284.000 km |
| Periapsis | 5.515.400 km |
| Apoapsis | 9.052.600 km |
| Exzentrizität | 0,2428 |
| Bahnneigig | 43,254° |
| Umlaufzitt | 130,02 Däg |
| Middleri Orbitalgschwindigkeit | 4,01 km/s |
| Physikalischi Eigeschafte | |
| Albedo | 0,04 |
| Schinbari Helligkeit | 21,0 mag |
| Middlerer Durchmesser | 8 km |
| Masse | 6,97 × 1014 kg |
| Middlere Dichti | 2,6 g/cm³ |
| Fallbeschlünigung an dr Oberflächi | ≈ 0 m/s² |
| Fluchtgschwindigkeit | ≈ 0 m/s |
| Entdeckig | |
| Entdecker | Charles Kowal, Elizabeth Roemer |
| Datum vu dr Entdeckig | 30. September 1975 |
| Dialäkt: Markgräflerisch (Ebringe) |
D' Themisto (Jupiter XVIII) isch ene vu dr chleinschte bekannte Mönd vum Planet Jupiter.
Entdeckig
D'Themisto isch erstmols am 30. September 1975 vu dr Astronomen Charles Kowal un Elizabeth Roemer entdeckt worre un het zuenächst die vorläufig Bezaichnig S/1975 J 1 erhalde. Es hän aber nit gnueg Beobachtige durgfüehrt werre chänne, um die Bahndate exakt z'bestimme, so dass de Himmelskörper zuenächscht wiider verlore gange isch.
Anno 2000 hän Scott S. Sheppard, David C. Jewitt, Yanga R. Fernández un Eugene (Gene) A. Magnier ä vermaintlich neie Mond bim Jupiter entdeckt, wo d'Bezaichnig S/2000 J 1 erhalde het. Es het sich aber bal rusgstellt, dass es sich um des scho 1975 entdeckt Objekt handle muess.
2002 isch der Mond offiziell noch de Nereide Themisto, ere Gliebte vum Zeus us de grichische Mythologi, bnennt worre.
Bahndate
Themisto umchraist de Jupiter uf ere exzentrische Bahn ime middlere Abstand vu 7.507.000 km in rund 130 Däg. Die Bahn wiist ä Exzentrizität vu 0,2420 uf un isch mit 47,075° starch gegeniber de Äquatorebeni vum Jupiter gnaigt.
De Themisto ihr Bahn isch ugwöhnlich, wil si sich zwische de galileische Mond un de Mond vu de Himalia-Gruppe beweggt.
Physikalischi Date
Themisto het ä middlere Durmesser vu nur 8 km. Ihri Dichti wird uf 2,6 g/cm3 gschätzt, sofern si iberwigend us silikatischem Gstai ufbaut si sott. Ihri Oberflächi isch sehr dunkel. D'Albedo betrait 0,04, d. h., bloß 4 % vum igstrahlte Sunneleecht werre reflekteert.
Mit ere schinbare Helligkait vu 21m isch si usserst leechtschwach.
