Regierigsbezirk Nordwirttebärg

Dr Regierigsbezirk Nordwirttebärg isch e Regierigsbezirk z Bade-Wirttebärg gsii, wu s vu 1952 bis 1972 gee het un ab 1. Jänner 1973 mit andere Gränze in dr hitig Regierigsbezirk Stuegert iberfiert woren isch. Sy Vorlaifer isch bis 1952 dr Landesbezirk Wirttebärg im domolige Land Wirttebärg-Bade gsii.

Gschicht

Dr Regierigsbezirk Nordwirttebärg isch mit Bildig vum Land Bade-Wirttebärg anne 1952 as ain vu dr vier Regierigsbezirk yygrichtet wore, di andere sin dr Regierigsbezirk Sidwirttebärg-Hauezollre gsii, dr Regierigsbezirk Nordbade un dr Regierigsbezirk Sidbade. Dr Regierigsbezirk Nordwirttebärg het dr nerdli Dail vum ehmolige Land Wirttebärg bzw. dr Landesbezirk Wirttebärg vum Land Wirttebärg-Bade gsii, wu 1946/46 dur di amerikanisch Militerverwaltig bildet woren isch. S zueständig Regierigsbresidium isch z Stuegert yygrichtet wore.

Bi dr Kraisreform, wu zum 1. Jänner 1973 umgsetzt woren isch, het mer d Gränze vum Regierigsbezirk dytli gänderet. S Regierigsbresidium z Stuegert isch no au fir Biet zueständig gsii, wu friejer badisch gsii sin. Im Gegezug sin Biet in d Zueständigkait vu dr Regierigsbresidie Kallsruh un Dibenga abgee wore.

Wäge däm isch dr Name vum Regierigsbezirk Nordwirttebärg in Regierigsbezirk Stuegert gänderet wore.

Verwaltigsgliderig

Zum Regierigsbezirk Nordwirttebärg hän die Stadtkrais (kraisfreie Stedt) un Landkrais ghert:

Charte vum Regierigsbezirk Nordwirttebärg

Kfz-Chänn- zaiche	Stadtkrais / Landkrais	Zahl vu dr Gmaine	Flechi in km²	Yywohner vum	Bevelkerigsdichti (Yywohner je km²) am
		am 31. Dezämber 1965		6. Juni 1961 (Volkszellig)
	Stadtkrais
S	Stuegert	1	207,20	637 539	3 076,9
HN	Haalbrunn	1	61,33	89 097	1 452,7
UL	Ulm	1	49,77	92 701	1 862,6
	Landkrais
BK	Backena	49	589,18	89 362	151,7
BB	Beblenga	39	451,28	145 616	322,7
CR	Craalse	58	766,41	63 325	82,6
ÖHR	Ehringe	51	397,59	43 587	109,6
ES	Esslenga	30	253,12	198 579	784,5
GP	Geppenga	62	610,48	201 967	330,8
GD	Gmend	35	459,27	100 501	218,8
HN	Haalbrunn	99	875,19	162 698	185,9
SHA	Hall	46	568,42	59 273	104,3
HDH	Hoedna	40	624,00	113 453	181,8
KÜN	Kenzelsau	41	342,04	30 948	90,5
LEO	Leaberg	27	289,55	99 219	342,7
LB	Ludwigsburg	49	424,08	243 849	575,0
MGH	Märchedol	51	473,92	40 349	85,1
NT	Nirtenga	48	380,04	131 620	346,3
AA	Oola	65	1 079,04	142 126	131,7
UL	Ulm	82	861,06	82 926	96,3
VAI	Vaihenga	42	384,76	75 392	195,9
WN	Woeblenga	61	433,38	193 688	446,9
	Regierigsbezirk Nordwirttebärg	978	10 581,11	3 037 815	287,1

Quälle

Amtliches Gemeindeverzeichnis Baden-Württemberg 1966, S. 11 us dr Serie "Statistik von Baden-Württemberg, Band 123" (1966)

Dä Artikel basiert uff ere fräie Übersetzig vu dere Version vum Artikel „Regierungsbezirk_Nordwürttemberg“ vu de dütsche Wikipedia. E Liste vu de Autore un Versione isch do z finde.