Regierigsbezirk Südbade

Dr Regierigsbezirk Südbade isch mit dr Bildig vum Land Bade-Württeberg anno 1952 als einer vu vier Regierigsbezirke errichtet worre un het s' 1945/46 dur die französisch Militärverwaltig bildet ehemolig Land Bade (Hauptstadt Friburg im Brisgau umfasst). S'zueständig Regierigspräsidium isch doher au z'Friburg im Brisgau igrichtet worre.

Er het demit die historisch as Badisch Oberland bezeichnet Region umfasst, also alli badische Gebiite südlich vu dr alde badische Landeshauptstadt Charlsrueh.

Bi dr Chreisreform, wo zum 1. Jänner 1973 umgsetzt worre isch, hän sich d'Grenze vum Regierigsbezirk erheblich veränderet. S'Regierigspräsidium z'Friburg isch sither au fier Gegende zueständig, wo früeher württebergisch gsi sin. Im Gegezug sin Gebiite in d'Zueständigkait vu dr Regierigspräsidie Tübinge un Karlsrueh abgä worre.

Doher isch d'Bezeichnig vum Regierigsbezirk Südbade in Regierigsbezirk Friburg gänderet worre.