Yamuna
D Yamuna (Sanskrit: यमुना, Yamunā f.; Hindi: Jamna) isch e Fluss z Indie, wo im Himalaya entspringt und bi Allahabad in Ganges ineflüsst. Mitere Längi vo 1375 km isch er de längst Nebefluss vom Ganges ond am Zemmefluss gar länger ond greeser als de Ganges selbscht.
| Yamuna | ||
 Dr Lauf vo der Yamuna | ||
| Date | ||
|---|---|---|
| Laag | Uttarakhand, Haryana, Uttar Pradesh, Unionsterritorium Delhi (Indie) | |
| Flusssystem | Meghna | |
| Abfluss über | Ganges → Padma → Meghna → Indischer Ozean | |
| Quelle | bim Yamunotri-Schrein im Himalaya , 78° 27′ 42″ O | |
| Quellhöchi | 6.320 m | |
| Mündung (Triveni Sangam) | bi Allahabad in dr Ganges25° 25′ 25″ N, 81° 52′ 57″ O , 81° 52′ 57″ O | |
| Mündigshöchi | 74 m | |
| Höchiunterschiid | 6246 m | |
| Lengi | 1376 km[1] | |
| Iizugsgebiet | 366.223 km²[1]
| |
| Abfluss[2] | MQ | 2930 m³/s |
| Rächti Nääbeflüss | Tons, Chambal, Sindh, Betwa, Ken | |
| Groossstedt | Delhi, Mathura, Agra, Allahabad | |
| Ab Chambal-Mündig Hauptstrang vom Ganges-System | ||
D Yamuna het eri Quele bi Yamunotri am Südfuess vom Himalaya und flüüsst geg Süüde a de Städt Delhi, Mathura und Agra verbii. Si macht denn e wiite Boge geg Oste und mündet bi Allahabad in Ganges. A de Yamuna liget au Vrindavan, de hailigst Ort vo de Krishnavereerig und s Taj Mahall.
D Yamuna isch zimmli verdreckt und gelt dromm ab de Höchi vo Delhi as e toote Fluss und d Uufer sind streckewiis Müllhaldene.
Mythologii
D Yamuna ghört zu de sibe hailige Flüss z Indie. De Zämefluss mit de hailige Ganga (Ganges) werd Triveni (Sanskrit: त्रिवेणी, triveṇī) gnennt, well noch de Mythologii d Sarasvati, en andere hailige Fluss, au a dere Stell mündet, wenn au im Verborgene. D Yamuna werd mengisch mit de Yami gliichgsetzt, de Zwillingsschwöster vom Tootegott Yama. Ere Vatter isch de Vivasvat und d Muetter isch d Samjna.