Caixero automatico

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un caixero automatico ye una maquina expendedora emplegada pa quitar diners a traviés d'una tarcheta magnetica (por eixemplo una tarcheta de credito) y en bel caso tamién ye posible sin tarcheta y por meyo d'os datos d'acceso a la banca en linia, sin necesidat de personal d'o banco.

Gosan tener una chicota impresora matricial u termica pa imprentar os resguardos d'a operación y as libretas d'estalvios.

Una lista d'operacions posibles serían:

• Actualización d'a libreta d'estalvios.
• Obtención de contrasenyas ixublidadas de banca en linia u telefonica.
• Crompa d'entradas.
• Recarga de tarcheta telefonica u títol de transporte.
• Recarga de tarcheta monedero.
• Ingreso de diners en a cuenta —dreitament u a traviés d'un sobre, por un regular proporcionau por o mesmo caixero, en que se fica os diners en metalico u un cheque.
• Recarga d'o telefono móbil con tarcheta de prepago.
• Obtención d'o listau de l'uso d'o bono transporte.
• Ninviar remesas de diners a o estranchero.
• Retirada de diners en efectivo d'a cuenta bancaria u d'a tarcheta de credito.

L'uso d'o caixero automatico suposa un estalvio pa o banco, porque amenista menos personal pa atender a os clients y ofreixer os servicios basicos. Por iste motivo, muita chent veye abusivo que os bancos cobren una quota anyal por a tarcheta d'o caixero.