Helianthus annuus

Helianthus annuus
Un chirasol (Helianthus annuus).
Denominacions populars
chirasol [1], carasol, mirasol, tornasol, escarapela[2]
Estau de conservación
Seguro (IUCN)
Clasificación cientifica
Dominio:	Eukaryota
Reino:	Plantae
Orden:	Asterales
Familia:	Asteraceae
Chenero:	Helianthus
Especie:	H. annuus
Descripción
Helianthus annuus Linnaeus, 1753
Distribución cheografica
Distribución d'o cautivo de chirasol.

O chirasol (Helianthus annuus (Linnaeus, 1753)^[3]) ye una especie de planta d'a orden d'os Asterales y familia Asteraceae que se cautiva per o suyo aceite y os suyos fruitos comestibles clamaus pipas^[4]. Ista especie de chirasol tamién se fa servir como birolla pa aus montesinas, como ferraina pa lo bestiar, en cualques aplicacions industrials y como planta ornamental en chardins domesticos. A planta estió domesticada per primera vegada en America.

As simients de chirasol estioron trayidas enta Europa dende America en o sieglo XVI^[5], an, de conchunta con l'aceite de chirasol, se convirtioron en un ingredient culinario cheneralizau.