Luengas chermanicas septentrionals

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Luengas chermanicas septentrionals
Familia lingüistica
Atras denominacions:	Luengas nordicas
Distribución cheografica:	Europa d'o Norte
Etnia:	Pueblos chermanicos
Clasificación lingüistica
Clasificación:	Indoeuropeas Chermanicas Septentrionals
Protoluenga:	Protonorrén y dimpués norrén antigo
Subdivisions:	1)
ISO 639-1:	[1]
ISO 639-2:	[2]
ISO 639-3:	[3]
ISO 639-4:	[4]
ISO 639-5:	gmq
Linguasphere:	'
Glottolog:	nort3160
Mapa de situación
Luengas chermanicas septentrionals Luengas escandinavas continentals:    Danés    Noruego    Sueco Luengas escandinavas insulars:    Feroés    Islandés O extinto idioma norn yera charrau en Orkney y as islas ShetlandO extinto nordico groenlandés yera charrau en asentamientos nordicos en Groenlandia dica zaguerías d'o sieglo XV.

As luengas chermanicas septentrionals son una d'as tres brancas d'as luengas chermanicas, una subfamilia d'as luengas indoeuropeas, chunto con as luengas chermanicas occidentals y as extintas luengas chermanicas orientals. Por un regular se conoixe tamién a iste grupo con o nombre de luengas nordicas u norrenas, una traducción dreita d'o termin mas común emplegau en l'ambito escolar y academico en danés, sueco y noruego. En Escandinavia, o termin luengas escandinavas fa referencia especificament a las debantitas tres luengas d'os países d'a peninsula escandinava y ye emplegau alavez comunment ta fer referencia a un subconchunto d'as luengas nordicas, deixando asinas difuera d'ista definición a o feroés y o islandés (asinas como o finlandés y as luengas sami, no relacionadas con as luengas chermanicas). O termin escandinavo ta fer referencia a istas luengas prencipió a emplegar-se en o sieglo XVIII como resultau d'un primerenco movimiento cultural y lingüistico escandinavista, que feba referencia a las chents, culturas y luengas d'os tres países escandinavos y o suyo herencio común.

O termin "luengas chermanicas septentrionals" se fa servir en lingüistica genetica,^[1] mientres que o termin "luengas escandinavas" apareixe en estudios sobre as luengas modernas y o continuum dialectal d'Escandinavia.^[2]

Alto u baixo 20 millons de personas charran como luenga materna una luenga escandinava en os países nordicos,^[3] incluyindo-ie a minoría d'o 5 por cient d'a población que ye suecoparlant en Finlandia. Bellas luengas d'ista branca chermanica septentrional se charran tamién en Groenlandia y, encara que minoritariament, por inmmigrants en America d'o Norte.