Alfa

L'alfa^[1] (Α α) ye la primer lletra del alfabetu griegu. Como símbolu numéricu represenaba l'un.

Alfa
Caráuter	Α (mayúscula) Unicode: 0391 etiqueta HTML: Α α (minúscula (es) ) Unicode: 03B1 etiqueta HTML: α
Tipu	lletra griega
Parte de	alfabetu griegu
Basáu en	𐤀
beta >

El so nome vien de la pallabra alef (xatu) en feniciu. Esta llingua desarrolló un sistema d'escritura del que deriven, aparte del alfabetu griegu, los principales abyads semíticos, como l'hebréu , l'araméu y, indireutamente l'árabe. La lletra griega, amás de recibir el nome del feniciu, garra tamién la so representación, nel orixe una representación estilizada de la cabeza d'un xatu.

Más tarde, l'alfa dio orixe a la lletra A ( a en minúscula ) de los alfabetos llatín y cirílicu.

La lletra alfa suel usase como símbolu en varies disciplines:

• Na relixón cristiana simboliza'l principiu. Acompañada de la omega, que representa la fin, ye una representación de la eternidá de Dios. Eses dos lletres, usaes polos primeros cristianos en dellos monumentos, siguen figurando anguaño nel crismón y na Cruz de la Victoria.
• En Matemátiques suel representar un ángulu llanu, anque tamién s'usa munches veces θ nesti casu.
• En Física ye'l símbolu de l'aceleración angular. Tamién s'utiliza la espresión partícula alfa pa designar a la que s'emite en dellos procesos radioactivos. Alfa pue denominar el coeficiente d'atenuación d'una onda.
• Alfa ye tamién la lletra A nel alfabetu fonéticu de la OTAN.
• En Química indica'l grau de disociación
• N'Astronomía la estrella alfa ye la más brillante de la so constelación (por exemplu Alfa centauri).
• En Zooloxía, el machu alfa ye'l dominante d'un grupu animal.
• N'Informática, la versión alfa d'un programa ye la que tovía ta en fase de desarrollu, pero yá dispón d'una funcionalidá mínima.
• En Lliteratura, suel usase l'Alfa mayúscula pa designar el primer cantar de la Ilíada y la minúscula pal primeru de la Odisea. Más de recién, en Brave new world d'Aldous Huxley, los individuos alfa son los de la castra superior.