Andrew Lloyd Webber

Andrew Lloyd Webber
Miembru de la cámara de los Lords	; 18 febreru 1997 - 17 ochobre 2017
Miembru de la cámara de los Lords
Vida
Nacimientu	Kensington, 22 de marzu de 1948 (76 años)
Nacionalidá	Reinu Xuníu
Llingua materna	inglés británicu
Familia
Padre	William Lloyd Webber
Madre	Jean Hermione Johnstone
Casáu con	Sarah Hugill (en) (1971 – div. 1983); Sarah Brightman (1984 – 1990); Madeleine Gurdon (1991 – )
Fíos/es	Imogen Lloyd Webber; Nick Lloyd Webber; William Lloyd Webber; Isabella Lloyd Webber
Hermanos/es	Julian Lloyd Webber
Estudios
Estudios	Royal College of Music (es) ; Amberfield School (en) ; Westminster School (es) ; Magdalen College (es) ; Westminster Under School (en)
Llingües falaes	inglés
Oficiu	guionista, productor de cine, direutor de teatru, empresariu, compositor de cantares, impresariu, políticu, compositor, productor musical, productor
	Participante Festival del Cantar d'Eurovisión ;
Llugares de trabayu	Londres y Reinu Xuníu
Trabayos destacaos	Evita; Jesus Christ Superstar; Cats; The Phantom of the Opera (es) ; Starlight Express (es)
Premios	ver Premio Laurence Olivier ; Premio Tony a la mejor banda sonora original : Evita; Society of London Theatre Special Award ; premio Grammy al mejor álbum de teatro musical ; Óscar al meyor cantar orixinal ; Primetime Emmy Award for Outstanding Special Class Program : Jesus Christ Superstar Live in Concert (es) ; Estrella del Paséu de la Fama de Hollywood ; Premiu Kennedy ; Knight Bachelor ; premio Grammy a la leyenda (1990) ; Praemium Imperiale (1995) ; Gran Premio Honorífico (2004) ; honorary doctor of the Royal College of Music (2014) ;
Nominaciones	ver Academy Award for Best Original Song Score (en) ; (19 febreru 1974): Jesus Christ Superstar; Premio Tony a la mejor banda sonora original (es) ; (2016);
Xéneru artísticu	ópera rock (es)
Discográfica	Sony Classical
Creencies
Relixón	Agnosticismu
Partíu políticu	Partíu Conservador
IMDb	nm0515908
	andrewlloydwebber.com

Andrew Lloyd Webber, Barón Lloyd-Webber^[11]^[12] (22 de marzu de 1948, Kensington) ye unu de los compositores teatrales más nomaos de finales del sieglu XX con obres que se caltuvieron con gran ésitu tantu en Broadway como nel West End londinense. Compositor, escritor, autor, productor, direutor y realizador de numberoses obres de teatru mas famoses y con gran ésitu, ye un iconu de Broadway.

Produció 16 musicales, dos bandes sonores y una misa de Réquiem en llatín. Atropó gran cantidá de premios, ente los que destaquen trés Premios Tony, trés Premios Grammy, un Óscar, un Emmy, seis Premios Olivier y un Globu d'Oru. La so compañía, Really Useful Group, ye una de les más importantes de Londres. Dalgunos de los cantares de les sos obres del teatru, como Don't Cry For Me, Argentina (d'Evita) y Pie Jesu (del so Requiem Mass) tuvieron ésitu n'Europa y América fuera de les representaciones teatrales y fueron cantaes por munchos artistes.

Historia personal

Nacíu en South Kensington (Londres), ye fíu del compositor William Lloyd Webber y d'una maestra de música, Jean Hermione Johnstone Lloyd Webber. El so hermanu Julian Lloyd Webber ye intérprete de cello.

La so primera esposa foi Sarah Hugill, cola que casó en 1972 y de la que se divorció en 1981. La pareya tuvo dos fíos: Imogen y Nicholas. En 1982 casó cola cantante y baillarina Sarah Brightman. El matrimoniu concluyó en 1990. Andrew Lloyd Webber casóse de nuevo en 1991 cola que ye n'actualidá (2010) la so muyer, Madeleine Gurdon, cola que tuvo trés fíos: Alastair, William y Isabella.

En 1992, Andrew Lloyd Webber foi nomáu caballeru del Imperiu Británicu y en 1997 recibió'l títulu de Barón de Lloyd-Webber de Sydmonton nel condáu de Hampshire. Participó viviegamente'n política como miembru del Partíu Conservador y llegó a componer música pa dellos alcuentros políticos, anque apocayá alloñóse del Conservadorismu. Ye, amás, un reconocíu coleicionista de pintura victoriana; adquirió amás un importante retratu de Picasso qu'en fecha recién volvió vender.

Carrera profesional

Lloyd Webber tuvo una serie d'ésitos consecutivos mientres los años 70 y 80 collaborando col lletrista Tim Rice. Los dos recibieron l'encargu d'escribir Joseph and the Amazing Technicolor Dreamcoat (Xosé'l suañador) pal institutu d'Edimburgu. El musical foi un ésitu; delles partes de la obra reescribiéronse y presentáronse nel Festival d'Edimburgu. Lloyd Webber y Rice siguieron collaborando y producieron Xesucristu Superstar y Evita. Dambes editáronse primero n'álbumes antes de llevales al escenariu. Tres l'estrenu d'Evita, la collaboración ente dambos rompióse.

Pal llibretu de la obra Cats, Lloyd Webber basóse nuna obra de T.S. Eliot, Old Possum’s Book of Practical Cats, obra que foi una de les favorites de la infancia de Lloyd Webber. Cats convirtióse na obra musical que más tiempu tuvo en cartel: más de 20 años. Dempués escribió Starlight Express y una adautación del rellatu de La pantasma de la ópera qu'escribió Gastón Leroux.

Dalgunos de los sos musicales lleváronse a la gran pantalla. Xesucristu Superstar en 1973 dirixíu por Norman Jewison; Evita en 1996, dirixida por Alan Parker con Madonna como protagonista, y La pantasma de la ópera 2004, dirixida por Joel Schumacher.

Lloyd Webber foi l'encargáu de componer una pieza pa los Xuegos Olímpicos de 1992 de Barcelona: el cantar Amigos para siempre, que grabaron Sarah Brightman y Josep Carreras.

En 2009 creó'l cantar que representó al Reinu Xuníu nel Festival de la Canción d'Eurovisión de 2009 en Moscú, «My Time», interpretáu por Jade Ewen. Lloyd Webber propúnxose como reto devolver al Reinu Xuníu les bones posiciones qu'algamaron anteriormente nesti concursu y consiguiólo, llevando'l cantar al quintu puestu na final. Acompañó a Jade al pianu na so actuación.

Obres

The Likes of Us, 1965 (Tim Rice). Estrenáu en 2005.
Joseph and the Amazing Technicolor Dreamcoat, 1968 (Tim Rice)
Xesucristu Superstar, 1972 (Tim Rice)
By Jeeves, 1975 (Alan Ayckbourn)
Evita, 1976 (Tim Rice)
Tell Me on a Sunday (Don Black)
Variations (Instrumental)
Cats, 1981 (T.S. Eliot)
Song and Dance, 1982 (Don Black)
Starligh Express, 1984 (Richard Stilgoe)
Requiem Mass, 1985
La Pantasma de la Ópera, 1986 (Richard Stilgoe/Charles Hart)
Aspects of Love, 1989 (Don Black/Charles Hart)
Sunset Boulevard, 1993 (Don Black/Christopher Hampton)
Whistle Down the Wind, 1997 (Jim Steinman)
The Beautiful Game (nueva versión), 2000 (Ben Elton)
Bombay Dreams, 2002 (Música d'A. R. Rahman)
Tell me on Sunday, 2003 (Don Black/Jackie Clune)
The Woman in White, 2004 (David Zippel)
Love Never Dies, 2010 (Ben Elton/Glenn Slater)
The Wizard of Oz, 2011
Stephen Ward (musical), 2013

Ente paréntesis indícase'l nome de los autores de les lletres de los cantares.

Referencies

Enllaces esternos

Wikimedia Commons acueye conteníu multimedia sobre Andrew Lloyd Webber .
Páxina web oficial
Andrew Lloyd Webber na Internet Movie Database (n'inglés)
Andrew Lloyd Webber na Internet Broadway Database (n'inglés)
Andrew Lloyd Webber n'AllMovie (n'inglés)
Andrew Lloyd Webber en Facebook
Andrew Lloyd Webber n'Instagram

[11]

[12]

[1]

[2]

[3]

[4]

[5]

[6]

[7]

[8]

[9]

[10]

Search