Federación de Bosnia y Herzegovina

La Federación de Bosnia y Herzegovina (bosniu: Federacija Bosne i Hercegovine, serbiu: Федерација Босне и Херцеговине,  escuchar (?·i)) ye una de les dos entidaes polítiques que formen l'Estáu de Bosnia y Herzegovina, xunto a la República Serbia o República Srpska.

Federación de Bosnia y Herzegovina
Alministración
País	Bosnia y Herzegovina
ISO 3166-2	BA-BIH
Tipu d'entidá	entidá territorial alministrativa de Bosnia y Herzegovina
Capital	Sarayevu
Presidente	Fadil Novalić
Nome oficial	Federacija Bosne i Hercegovine (bs) Federacija Bosne i Hercegovine (hr) Федерација Босне и Херцеговине (sr)
Nome llocal	Federacija Bosne i Hercegovine (bs) Федерација Босне и Херцеговине (sr) Federacija Bosne i Hercegovine (hr)
Llingües oficiales	Bosniu croata Serbiu
Xeografía
Coordenaes	43°51′30″N 18°24′50″E / 43.8583°N 18.4139°E / 43.8583; 18.4139
Superficie	26110.5 km²
Altitú media	1126 m
Demografía
Población	2 219 220 hab. (2013)
Densidá	84,99 hab/km²
Más información
Estaya horaria	Hora central europea
Fundación	18 marzu 1994
fbihvlada.gov.ba

Mayoritariamente ta habitada por bosnios musulmanes (o bosnios) y bosnios croates (o croates). Por esti motivu tamién ye, popularmente, nomada como Federación Croatomusulmana; sicasí los serbios fueron declaraos el tercer grupu étnicu constituyente de federación nel 2001 pol Tribunal Constitucional quien, tamién, declaró lo mesmo colos bosnios y los croates na República Serbia.

Esta entidá creóse polos alcuerdos de Washington roblaos el 18 de marzu de 1994, qu'entamaben un Aconceyamientu Constituyente, que se disolvió en 1996. Creóse p'abellugar les poblaciones bosnies y croates nun territoriu llibre de los paramilitares serbios que na guerra civil llevaron a términu un procesu de llimpieza étnica escontra los bosnios; asina como asegurar a esta nación una autonomía plena que-y permitiera autogobernase ensin frañir l'estáu bosniu.

Poro, anguaño, la federación tien la so propia capital, gobiernu, bandera y escudu, presidente, parllamentu, departamentu de policía, sistema postal y llinia aérea asina como exércitu (Vojska Federacije Bosne i Hercegovine), sol control del Ministeriu de Defensa de Bosnia y Herzegovina.