Фэдэрацыя Босьніі і Герцагавіны
Фэдэрацыя Босьніі і Герцагавіны — дзяржаўнае ўтварэньне, якое разам з Рэспублікай Сэрбскай складае дзяржаву Босьнія і Герцагавіна. Утворана на тэрыторыі былой Сацыялістычнай Фэдэратыўнай Рэспублікі Югаславія ў выніку Вашынгтонскага пагадненьня 1994 году. У склад фэдэрацыі ўвайшлі тэрыторыі, якія раней кантраляваліся афіцыйнымі ўладамі Рэспублікі Босьнія і Герцагавіна, а таксама ўладамі самаабвешчанай Рэспублікі Герцаг-Босна. Сталіца — Сараева. Плошча фэдэрацыі складае 26 076 км² (51% агульнай тэрыторыі Босьніі і Герцагавіны). На вызначанай тэрыторыі пражываюць 2,4 млн чалавек. Грашовай адзінкай зьяўляецца Канвэртаваная марка.
| Фэдэрацыя Босьніі і Герцагавіны hr па-сэрбску: Федерација Босне и Херцеговине | |
.svg) | |
| Афіцыйная мова | басьнійская, харвацкая і Сэрбская[б] |
| Сталіца | Сараева |
| Найбуйнейшы горад | Сараева, Зэніца, Тузла |
| Форма кіраваньня Прэзыдэнт Прэм’ер-міністар | федэратыўная парламенцкая рэспубліка Марынка Чавара Фадзіль Наваліч |
| Плошча • агульная | 26110 км² |
| Насельніцтва • агульнае (2013) | 2,2 млн |
| Валюта | Канвэртаваная марка (BAM) |
| Часавы пас | UTC+1 (UTC+2) |
| Незалежнасьць Абвешчаная Прызнаная як частка Босьніі і Герцагавіны | 18 сакавіка 1994 году |
Адміністрацыйны падзел
У склад фэдэрацыі ўваходзяць дзесяць кантонаў (па-басьнійску: kantoni), у кожным зь якіх пераважае басьнійская ці харвацкая этнічная большасьць.
- Унска-Санскі
- Посаўскі
- Тузланскі
- Зэніцка-Добайскі
- Басьнійска-Падрынскі
- Сярэднебасьнійскі
- Герцагавіна-Нярэтванскі
- Заходнегерцагавінскі
- Сараеўскі
- Герцагбасанскі
Кантоны падзелены на 79 абшчын (харв., па-басьнійску: općine).
Мае граніцы на захадзе і поўначы з Харватыяй, на поўначы і ўсходзе — з Рэспублікай Сэрбскай. Таксама мае невялікі выхад да Адрыятычнага мора — каля 24,5 км берагавой лініі.