Marion Cotillard

Proveniente d'una familia d'artistes, empezó dende pequeña a trabayar como actriz, la so madre ye actriz; el so padre, direutor; dambos profesores d'arte dramático y tien dos hermanos ximielgos, Quentin, escultor y Guillaume, escritor. El so primu Laurent Cotillard, dirixó amás la so primer obra Y a des nounous dans le placard.

En 1994, ganó'l primer premiu del Conservatoriu d'Arte Dramático d'Orléans.

Y empezó a intervenir en series televisives como Highlander o Extrême Limite, y más tarde nel cine cola película La Belle Vierte, anque foi con Taxi con guión de Luc Besson y empobinada por Gérard Pirès cola que se dio conocer al gran públicu y que-y supunxo'l so primer nominación al César a la meyor actriz revelación. El so papel nesta película sirviólu pa trabayar en producciones como La Mouette o Les Jolies Choses, cola que llogró una nueva nominación a los Premiu César, consiguiendo en 2005 ganar el César a la meyor actriz de repartu por Un long dimanche de fiançailles, de Jean-Pierre Jeunet.

En 2007, interpreta a Édith Piaf nel filme d'Olivier Dahan La Môme, ganando'l Oscar a la meyor actriz en 2008.

En 2009, interpretó a Evelyn "Billy" Frechette, la novia de John Dillinger nel filme Public Enemies, onde demuestra una gran solidez actoral. Anguaño caltién una rellación col actor francés Guillaume Canet, dende finales de 2007. El 15 de marzu de 2010 Marion recibió la Medaya de la Orde de l'Artes y les Lletres de Francia. El 19 de mayu de 2011 dio a lluz al so primer fíu, Marcel.^[16] En xunetu de 2012, semeyes de Canet saliendo de la casa de Katie Holmes en Nueva York fueron publicaes nel sitiu Daily Mail. Cotillard taba en Londres pa la promoción de The Dark Knight Rises. Poco tiempu dempués les semeyes fueron esaniciaes del sitiu y la pareya nun diz nada sobre l'asuntu.^[17]

En 2010 participa na película Inception de Christopher Nolan, xunto a Leonardo DiCaprio, Cillian Murphy, Joseph Gordon-Levitt, Tom Hardy, Michael Caine ente otros.

En 2012 repite col direutor Christopher Nolan en The Dark Knight Rises xunto a Christian Bale y vuelve repitir repartida con Cillian Murphy, Joseph Gordon-Levitt, Tom Hardy y Michael Caine tomando'l papel de Talia al Ghul/Miranda Tate. Tamién recibió numberosos aponderamientos pola so actuación como la entrenadora d'orques ensin piernes Stéphanie en De rouille et d'os y foi gallardoniada col Premiu Globu de Cristal, Premiu Étoile d'Or, Premiu Sant Jordi, Irish Film & Television Award y el Premiu de la Meyor Actriz nel Hawaii International Film Festival y nominaciones recibíes pal premiu Globu d'Oru, Premiu BAFTA, Screen Actors Guild Award, Premiu de la Crítica Cinematográfica, Premiu AACTA, Premiu Lumière y pal Premiu César.

Amás de los sos trabayos cinematográficos, Cotillard interesar pol activismu medioambiental, y participó en campañes de proteición ambiental, particularmente cola O.N.G. Greenpeace. Coles mesmes, collaboró cola organización realizando donaciones económiques y siendo embaxadora y vocera d'ésta en diverses oportunidaes.

Nel añu 2009, l'actriz grabó una versión del cantar Beds are Burning, de Midnight Oil, col propósitu de reclamar por xusticia ambiental, en sofitamientu a TckTckTck, un grupu de más de 400 organizaciones aconceyaes por una aición ambiental.  

Unu de los sos postreros apurras públicos foi en 2014, al traviés d'un video espublizáu pola O.N.G. Greenpeace, “El silenciu del Amazones en crisis”, que la so narración tuvo al cargu de la actriz. Nel video llógrase amosar parte de los maltratos y sobresplotaciones que se lleven a cabu na estensión de la selva amazónica dientro del territoriu brasilanu.^[18]

Llargumetraxes

Curtiumetraxes

Televisión

Teatru

• 1997: Y'a des Nounours Dans les Placards, dirixida por Laurent Cotillard, en Théâtre Contemporain de la Danse en París, Francia.
• 2005: Jeanne d'Arc au bûcher, oratoriu por Arthur Honegger, llibretu por Paul Claudel, dirixíu por Jean-Pierre Loisil, en Orleans, Francia.
• 2012: Jeanne d'Arc au bûcher, oratoriu por Arthur Honegger, llibretu por Paul Claudel, dirixíu por Marc Soustrot, en Barcelona, España.^[20]

Premios Oscar

Globu d'Oru

Premios BAFTA

Premios del Sindicatu d'Actores

César

Satellite Awards^[21]

Festival Internacional de Cine de Cannes

National Board of Review

• Wikimedia Commons acueye conteníu multimedia sobre Marion Cotillard .
• Marion Cotillard na Internet Movie Database (n'inglés)
• Marion Cotillard n'AllMovie (n'inglés)
• Marion Cotillard en FilmAffinity (castellán)
• Marion Cotillard n'Instagram