Mary-Elizabeth Winstead

Winstead nació en Rocky Mount, Carolina del Norte, fía de Betty Lou y James Ronald Winstead. Cuando tenía cinco años la so familia treslladóse a Sandy, Utah. Empezó a interesase pol arte, el balé y l'actuación, Winstead recibió la oportunidá d'estudiar danza nun programa de branu del prestixosu Joffrey Ballet School na ciudá de Nueva York. D'ellí decidió estudiar actuación.

Primeros trabayos (1997-2004)

Winstead empezó la so carrera a finales de los años 90, cuando actuó como Kristy nun episodiu de la serie de drama Touched by an Angel en 1997, interpretó'l papel de Jessica Bannett na telenovela Passions. Darréu actuó na serie de CBS, Wolf Lake, y formó parte del repartu de la película fecha pa televisión Monsters Island (2004).

Reconocencia (2005-2007)

En 2005, Winstead actuó como Gwen Grayson na película de comedia xuvenil Sky High, tuvo un papel secundariu na película de terror The Ring Two como Evelyn, la secuela de la película The Ring (2002), protagonizada por Naomi Watts.

Nel añu 2006 actuó en dos películes de terror Final Destination 3, faciendo'l papel principal de Wendy Christensen, y Black Christmas, faciendo un papel de sofitu, actuando como Heather Fitzgerald. Nesti mesmu añu actuó na película de drama Bobby. El repartu del filme inclúi a Laurence Fishburne, Anthony Hopkins, Ashton Kutcher, William H. Macy, Demi Moore y Sharon Stone, pero la mayoría de les sos escenes fueron con Shia LaBeouf y Brian Geraghty. Ella y los sos coestrelles fueron nomaos pa los Screen Actors Guild Award pal Meyor Repartu nuna Película.

En 2007, Winstead actuó en dos películes d'aición, Death Proof (segmentu de Grindhouse), dirixida por Quentin Tarantino, actuando como Montgomery Lee, y Die Hard 4.0 actuando como Lucy MacClane, la fía del detective John MacClane (Bruce Willis). La película ganó más de 130 millones de dólares a nivel nacional y tuvo escelentes crítiques, polo que ye la película pola que más se conoz a Winstead.

Otros trabayos (2008-presente)

En 2008, Winstead protagonizó Make It Happen, una película de baille, desempeñando a Lauryn. La película nos Estaos Xuníos pasó direutamente a DVD, nesta actuó xunto con Riley Smith y Tessa Thompson. En 2010, Winstead protagonizó la película Scott Pilgrim vs. The World xunto a Michael Cera. La producción empezó en marzu de 2009 y estrenóse el 13 d'agostu de 2010. En 2011 protagoniza a Kate personaxe Principal na película The Thing (película de 2011) precuela de La Cosa. Al añu siguiente 2012 actúa na película de drama Smashed del direutor James Ponsoldt llogrando critiques favorables pola so actuación, xunto a Aaron Paul, la película foi ganadora del premiu especial del xuráu dramáticu estauxunidense.

• Wikimedia Commons tien conteníu multimedia tocante a Mary-Elizabeth Winstead.
• Mary-Elizabeth Winstead na Internet Movie Database (n'inglés)
• Entrevista en Maxim. (n'inglés)
• Entrevista en Stumped?. (n'inglés)
• Entrevista en Passions Central. (n'inglés)
• Mary-Elizabeth Winstead en Twitter.