Suroeste d'Inglaterra
El Suroeste d'Inglaterra (n'inglés: South West England, en córnicu: Rannvro Soth West) ye una de les nueve rexones d'Inglaterra. Ta formada por siete condaos: Gloucestershire, Somerset, Dorset, Brístol, Wiltshire, Devon y Cornualles. La so capital ye Brístol. Llenda al norte col mar Célticu y la canal de Brístol, que la dixebren de Gales, y Midlands del Oeste, al este con Sureste, al sur cola canal de la Mancha y al oeste col océanu Atlánticu.
| Suroeste d'Inglaterra | |
|---|---|
 | |
| Alministración | |
| País |  Reinu Xuníu |
| Nación constitutiva |  Inglaterra |
| Tipu d'entidá | rexón d'Inglaterra |
| Capital | Bristol |
| División | ver
|
| Xeografía | |
| Coordenaes | 50°58′N 3°13′W / 50.96°N 3.22°O |
 | |
| Superficie | 23829 km² |
| Llenda con | Sureste d'Inglaterra y Midlands del Oeste (es)  |
| Demografía | |
| Población | 5 624 696 hab. (2019) |
| Densidá | 236,04 hab/km² |
| Más información | |
| Estaya horaria | UTC±00:00 |
| southwest-ra.gov.uk | |
 | |
Con 23 829 km² ye la rexón más estensa del país y con 222,0 hab/km², siquier densamente poblada. Inclúi una área conocida como West Country y gran parte de Wessex. El gran tamañu de la rexón vese reflexáu nel fechu de que la parte norte de Gloucestershire, cerca de Chipping Campden, atópase tan cerca del estremu de Cornualles como de la frontera con Escocia.
Tradicionalmente, el Suroeste d'Inglaterra foi conocíu pola producción del quesu Cheddar, orixinariu d'un pueblu col mesmu nome, en Mendip Hills; del cream tea de Devon, y de la sidra de Somerset. Na actualidá, quiciabes sía igualmente conocíu debíu al Proyeutu Eden, a Aardman Animations, al Festival de Glastonbury, a la Bristol International Balloon Fiesta, a la música trip hop, a la serie Skins ambientada na ciudá de Bristol, a los restoranes de frutos de mar en Cornualles y a los sos sableres nes que se practica'l surf. Dos Parques nacionales y cuatro lugar declaraos Patrimoniu de la Humanidá esisten dientro de les llendes de la rexón.
Subdivisiones
La rexón cubre la mayor parte del área histórica de Wessex (omitiendo solo a Hampshire y a Berkshire) y tol reinu celta de Dumnonia, qu'entendía a Cornualles, Devon y partes de Dorset y Somerset. En términos de gobiernu llocal, foi estremada en 1974 n'Avon, Cornualles, Devon, Dorset, Gloucestershire, Somerset y Wiltshire. De magar, Avon foi abolíu y surdieron diverses autoridaes unitaries n'árees principalmente urbanes.
Gobiernu llocal
La rexón consiste de los siguientes condaos xeográficos y árees de gobiernu llocal:
| Mapa | Condáu ceremonial | C. non metropolitanu/A. unitaria | Distritos |
|---|---|---|---|
 | Somerset | 1. Bath and North East Somerset | |
| 2. North Somerset | |||
| 11. Somerset | South Somerset, Taunton Deane, West Somerset, Sedgemoor, Mendip | ||
| 3. Bristol | |||
| Gloucestershire | 4. South Gloucestershire | ||
| 5. Gloucestershire | Gloucester, Tewkesbury, Cheltenham, Costwold, Stroud, Forest of Dean | ||
| Wiltshire | 6. Swindon | ||
| 7. Wiltshire | Salisbury, West Wiltshire, Kennet, North Wiltshire | ||
| Dorset | 8. Dorset | Weymouth and Portland, West Dorset, North Dorset, Purbeck, East Dorset, Christchurch | |
| 9. Poole | |||
| 10. Bournemouth | |||
| Devon | 12. Devon | Exeter, East Devon, Mid Devon, North Devon, Torridge, West Devon, South Hams, Teignbridge | |
| 13. Torbay | |||
| 14. Plymouth | |||
| Cornualles | Islles Sorlingas (nun s'amuesen nel mapa) | ||
| 15. Cornualles | Penwith, Kerrier, Carrick, Restormel, Caradon, North Cornwall | ||
Ver tamién
- Axencia de Desenvolvimientu Rexonal del Suroeste d'Inglaterra
- Suroeste d'Inglaterra (distritu eleutoral del Parllamentu Européu)
Referencies
Enllaces esternos
Wikimedia Commons tien conteníu multimedia tocante a Suroeste d'Inglaterra.
Datos: Q48026- Multimedia: South West England
