Tomás d'Aquinu

Tomás d'Aquinu
profesor	;
profesor
Vida
Nacimientu	Roccasecca (es) , 1225 (greg.)
Residencia	Aquino
Muerte	abadía de Fossanova (es) , 7 de marzu de 1274 (48/49 años)
Sepultura	Iglesia de los Dominicos de Toulouse (es)
Familia
Padre	Landulphe d'Aquino
Casáu con	ensin valor
Estudios
Estudios	Universidá de Nápoles Federico II ; (1239 - 1245) ; Universidad de París (es) ; (1245 - 1248)
Llingües falaes	Llatín medieval; Medieval Italian (en) ; llatín
Alumnu de	St. Albert von Bollstädt
Profesor de	Enrique Bateno de Malinas; Remigio dei Girolami (es)
Oficiu	teólogu, profesor, presbíteru católicu romanu, filósofu, escritor, teólogu católicu
Emplegadores	Universidá de París
Trabayos destacaos	Summa Theologiae (es) ; Summa contra Gentiles (es) ; Tratado del govierno de los principes (es)
Influyencies	Boecio, Maimónides, Cicerón, Al-Kindi, Juan Escoto Eriúgena (es) , Averroes, Anselmo de Canterbury (es) , St. Albert von Bollstädt, Avicena, Agustín d'Hipona, Platón, Aristóteles, Pablo de Tarsu, Al-Ghazali y Gregorio Magno
Movimientu	Tomismu; guerra justa (es) ; Escolástica
Santoral
	28 de xineru, 7 de marzu y catolicismu
Creencies
Relixón	catolicismu
Orde relixosa	Orde de Predicadores

Santu Tomás d'Aquinu^[6] (1225 ^(greg.), Roccasecca ^(es) – 7 de marzu de 1274, abadía de Fossanova ^(es) ) foi un monxu dominicu d'orixe napolitanu. Fíu de los condes d'Aquinu, estudió na Universidá de Nápoles. Posteriormente foi docente na Universidá de París ente 1256 y 1259 y ente 1269 y 1272.

Treslladóse definitivamene a Nápoles y morrió nel añu 1274 demientres un viaxe a Lyon, au diba formar parte nun conceyu convocáu pol Papa. Ente los sos escritos filosóficos destaquen dellos comentarios a les obres d'Aristóteles, asina como los opúsculos L'ente y la esencia (De ente et essentia) y Sobre la unidá del entendimientu (De unitate intellectus) escontra los averroístes. No que cinca a la so producción teolóxica, destaquen obres de gran altor filosóficu como Summa Theologiae y Summa contra gentiles.

Pensamientu filosóficu

La filosofía tomista carauterízase por harmonizar los dogmes de la relixón cristiana coles principales tesis filosófiques d'Aristóteles, nuna dómina na qu'esti últimu yera vistu como'l principal enemigu intelectual del cristianismu. Perdíes dende los primeros sieglos del Imperiu Romanu, les obres aristotéliques foron redescubiertes nel sieglu XII. Nesti sen, son especialmente relevantes los intentos de Tomás d'Aquinu d'oponese a los comentarios sobre Aristóteles fechos polos filósofos árabes d'orixe español Averroes (1126-1198), desplicando tesis dafechu opuestes a la Revelación cristiana.

La metafísica tomista destaca por introducir el distingu ente esencia y esistencia, base conceptual sobre la que llexitimar una xerarquización de los entes esistentes, dende la primacía de Dios, ente supremu y trescendente, hasta los seres inanimaos, pasando polos ánxeles, los humanos y el restu de seres vivos. La separación fundamental ente Dios y el restu de los entes estriba en que'l primeru tien la esistencia como propiedá constitutiva de la esencia divina, mientres que'l restu recibe, en diversos graos, la esistencia de Dios al traviés d'un actu creador.

Dende'l puntu de vista de la Teoloxía filosófica tamién son destacables les cinco pruebes tomistes de la esistencia de Dios (les cinco víes de la Summa Theologiae), nes que pretende amosar racionalmente la so esistencia partiendo de fechos observables por cualquier ser humanu. Conócense col nome de pruebes a posteriori pa estremales de les pruebes meramente racionales propuestes anteriormente nel S. XI pol monxu Anselmo de Canterbury.

N'ética y política desendolcó la distinción ente llei natural y llei positiva, siendo la primera la base oxetiva na qu'afitar tou códigu moral humanu concretu (elimínase d'esta manera'l relativismu moral) y toa llei civil positiva. En casu de conflictu ente l'autoridá civil y la de la Ilesia, Tomás propón caltener el criteriu d'esta última, pues ocúpase del bien de l'alma, superior, según él, al bien corporal (asuntu del poder civil).

Himnos

Arriendes de la so obra filosófica, Tomás d'Aquinu ye autor de los himnos pa la fiesta del Corpus, concretamente:

Pange Lingua coles estrofes finales Tantum ergo
Lauda Sion Salvatorem, secuencia d'esa fiesta
Adoro te devote.

Patronalgos

Patrón católicu de tolos centros d'educación del mundu, declaráu'l 4 d'agostu de 1880 pol Papa León XIII.

Referencies

Enllaces esternos

Suma Teolóxica online en dominicos.org
Tomás d'Aquinu en Biblioteca Upasika
Suma Teolóxica en hipertestu
StatVeritas Summa Teolóxica (completa), Credo, Padre nuesu, Ave María y Mandamientos comentaos por Santo Tomás d'Aquinu .pdf y .doc
Bibliotheca Thomistica IntraText: testu, concordancies y llista de frecuencia
Luventicus Les Cinco Víes de Santo Tomás
Corpus Thomisticum Obres completes en llatín
Pérez de Laborda, M., Tomismo Analítico, en Fernández Labastida, F. – Mercado, J. A. (editores), Philosophica: Enciclopedia filosófica on line
Universidá Santo Tomás d'Aquinu
Conseyu Internacional d'Universidaes de Santu Tomás d'Aquinu (IC-USTA)

[6]

[1]

[2]

[3]

[4]

[5]

Search