1564

• Rütbəsi alınmış rahib Kristof Fabrisiusun Antverpendə edam edilməsi zamanı xalq və keşikçilər arasında toqquşma baş vermişdir.
• Niderlandda dövlət şurasının üzvləri olan qraf Eqmont, şahzadə Oranski və admiral Qorun ətrafında saray müxalifəti formalaşmışdır. Bundan sonra Antuan Perno de Qranvel istefa vermiş və ispan qoşunları ölkədən çıxarılmışdır.
• Ferdinandın vəfatından sonra onun böyük oğlu Maksimilian imperiyanı, ikinci oğlu Ferdinand - Tirolu və Ön Avstriyanı, Karl isə - Ştiriyanı, Karintiyanı və Kraynanı miras almışlar.
• 1564—1576 — Müqəddəs Roma imperiyasının imperatoru, Macarıstanın (1572-ci ilə qədər) və Çexiyanın (1575-ci ilə qədər) kralı II Maksimilian.
• Çexiya seymi kralın əcnəbilərə zadəgan rütbələri vermək hüququna malik olmaması haqqında qərar qəbul etmişdir.
• 1564—1605 — Avropa kalvinistlərinin başçısı Teodor Beza (1519—1605).
• 26 yanvar — Livon müharibəsinin gedişi zamanı Çaşniklər döyüşü baş vermişdir^[1].
• 2 iyul — rus qoşunları Ulle çayı (Polotsk yaxınlığında) və Orşa yaxınlığında məğlubiyyətə uğramışlar^[1].
• Aprel — Knyaz Andrey Kurbski Litvaya qaçmışdır.
• Dekabr — İvan Qroznını əvvəlcə Kolomnaya, oradan isə Aleksandr Slobodasına yola düşmüşdür. Opriçninanın başlanğıcı.
• İvan Fyodorovun "Apostol"u — dəqiq tarixi məlum olan ilk rus kitabı nəşr edilmişdir. Nəşr tarixi göstərilməyən və "Apostol"dan öncə nəşr olunduğu ehtimal edilən bir neçə kitab da qorunub saxlanmışdır.

Həmçinin bax: Kateqoriya:1564-cü ildə doğulanlar

• 15 fevral — Qalileo Qaliley (1564—1642), italyan fizik və astronom.
• Aprel — Vilyam Şekspir (1564—1616), ingilis dramaturq.
• Vilyam Adams — ingilis dənizçi, şturman və tacir. Yaponiya sahillərinə üzüb çatan ilk britaniyalı hesab olunur.
• Abraham Blumart — niderland rəssamı.
• Federiko Borromeo — italyan keşiş, 1587-ci ildən kardinal, 1595-ci ildən Milan baş yepiskopu, incəsənət və elm hamisi.
• Henrix Yuli Braunşveyq-Volfenbyuttelski — 1589-cu ildən Braunşveyq-Volfenbyuttel hersoqu, Xelmştedtdəki əsası atası Yuli Braunşveyq-Volfenbyuttelski tərəfindən qoyulan və ona miras qalan protestant universitetinin ilk rektoru.
• Kristofer Marlo — Yelizaveta dövründə yaşayıb-yaratmış ingilis şair, tərcüməçi və dramaturq, Şekspirin ən görkəmli sələflərindən biri.
• Fransisko Paçeko — ispan rəssam, incəsənət nəzəriyyəçisi və şair, XVII əsrdə İspaniyada rəssamlığın inkişafına güclü təsir göstərmiş Dieqo Velaskes və Alonso Kano kimi rəssamların müəllimi.
• David Fabrisi — Şərqi Frislandiyada astronomiyaya dair yazdığı tədqiqatlarla məşhur olan pastor.
• Hans Leo Hassler — alman bəstəkar və orqan ifaçısı.

Həmçinin bax: Kateqoriya:1564-cü ildə vəfat edənlər

• 26 yanvar — Pyotr Şuyski, görkəmli hərbçi və dövlət xadimi.
• 18 fevral — Mikelancelo Buonarotti, italyan heykəltaraş, rəssam və şair.
• Andreas Vezali — həkim və anatom, V Karlın, sonra isə II Filipin leyb-həkimi. Paraselsin kiçik müasiri, elmi anatomiyanın banisi.
• Jan Kalvin — fransız ilahiyyatçı, kilsə islahatçısı, kalvinizmin yaradıcısı.
• I Fedinand — 1526-cı ildən Macarıstan və Bohemiya kralı, 1556-cı ildən (rəsmən 1558-ci ildən) Müqəddəs Roma imperiyasının imperatoru, Habsburqlar nəslinin kiçik (avstriyalı) qolunun əcdadı. O həm də Avstriyanın ershersoqu olmuşdur və onun hakimiyyəti dövründə türklər Vyana döyüşündə (1529) məğlubiyyətə uğramışlar.