Arnold Şönberq
Arnold Frans Valter Şönberq (alm. Arnold Franz Walter Schoenberg, əvvəlcə Schönberg; 13 sentyabr 1874 — 13 iyil 1951) — avstriyalı və amerikalı bəstəkar, pedaqoq, musiqişünas, dirijor. Musiqidəki ekspressionizmin görkəmli nümayəndəsi, Yeni Vyana Məktəbinin banisi, dodekafoniya (12 tonluq) və seriyalı texnika kimi musiqi texnikalarının müəllifi.
| Arnold Şönberq | |
|---|---|
| alm. Arnold Franz Walter Schoenberg | |
 | |
| Ümumi məlumatlar | |
| Doğum adı | Arnold Franz Walter Schönberg |
| Doğum tarixi | |
| Doğum yeri | Vyana, Avstriya |
| Vəfat tarixi | (76 yaşında) |
| Vəfat yeri | Los-Anceles, ABŞ |
| Vəfat səbəbi | ürək tutması |
| Dəfn yeri |
|
| Vətəndaşlığı | |
| Milliyyəti | Avstriya |
| Musiqiçi məlumatları | |
| Fəaliyyəti | bəstəkar, pedaqoq, dirijor, musiqişünas |
| Fəaliyyət illəri | 1897—1951 |
| Janrlar | XX əsr klassik musiqisi[d], opera, klassik musiqi, ekspressionizm, dodekafoniya |
| Musiqi aləti | piano |
| schoenberg.org | |
 Vikianbarda əlaqəli mediafayllar | |
Həyatı
Arnold Şönberq 13 sentyabr 1874-cü ildə Vyanada dünyaya gəlib. 8 yaşında skripkada çalmağı öyrənəndən sonra musiqi bəstələməyə başlayıb. Musiqi sahəsindəki nəzəri biliklərinin əksəriyyətinə heç kimin köməkliyi olmadan təkbaşına yiyələnib. 1894-cü ildə özündən 3 yaş böyük bəstəkar Aleksandr fon Semlinskidən kontrapunkt dərsləri alıb. 1901-1903-cü illərdə Berlində orkestr drijoru işləyib. 1904-cü ildən də Vyanada müəllimlik etməyə başlayıb. Anton Vebern, Alban Berq onun tələbələri olublar. 1919-cu ildə yeni yeni musiqi yaratmaq üçün ətrafına musiqiçiləri toplayıb. Onların konsertləri tənqidçilər tərəfindən ciddi tənqidlərə tuş gəlib. Bu konsertlərdə əl çalmaq və onları yayımlamaq qadağan edilib. 1925-ci ildə Şönberq pedaqoji fəaliyyətini davam etdirmək üçün Berlinə qayıdıb. Yəhudi olduğu üçün 1933-cü ildə faşistlərin təqibi ilə üzləşib. 1898-ci ildə xristianlığı qəbul etməsinə baxmayaraq yəhudi kimi Parisə sürgün edilib. Bundan sonra yenidən yəhudiliyə qayıdıb. 1934-cü ildə ABŞ-yə köçüb və soyadını Şönberqdən Şöenberqə dəyişib. 1936-cı ildə UClA-da dərs deməyə başlayıb. 13 iyul 1951-ci ildə Los-Ancelesdə vəfat edib.
