Bluetooth Low Energy
Bluetooth Low Energy, həmçinin Bluetooth LE, əvvəllər Bluetooth Smart[1] — səhiyyə, fitness, mayaklar,[2] təhlükəsizlik və ev əyləncəsi[3] sahələrində yeni tətbiqlərə yönəlmiş, "Bluetooth Special Interest Group" (Bluetooth SIG)[4] tərəfindən dizayn edilmiş və bazara çıxarılmış simsiz şəxsi şəbəkə texnologiyası. Klassik "Bluetooth"dan müstəqildir və uyğunluğu yoxdur, lakin "Bluetooth Basic Rate/Enhanced Data Rate" (BR/EDR) və LE birlikdə mövcud ola bilərlər. Orijinal spesifikasiya "Nokia" tərəfindən 2006-cı ildə "Wibree" adı altında işlənib hazırlanmışdır. 2009-cu ilin dekabrında "Bluetooth Low Energy" adı ilə "Bluetooth 4.0"a inteqrasiya edilmişdir.
Klassik "Bluetooth" ilə müqayisədə "Bluetooth Low Energy" oxşar rabitə diapazonunu qoruyur. Bu, əhəmiyyətli dərəcədə azaldılmış enerji istehlakı və xərci təmin etmək üçün nəzərdə tutulmuşdur. iOS, "Android", "Windows Phone" və "BlackBerry", həmçinin "macOS", "Linux", "Windows 8", "Windows 10" və "Windows 11" daxil olmaqla mobil əməliyyat sistemləri lokal olaraq "Bluetooth Low Energy"ni dəstəkləyirlər.
Uyğunluq
"Bluetooth Low Energy" əvvəlki (çox vaxt "klassik" adlanır) "Bluetooth Basic Rate/Enhanced Data Rate" (BR/EDR) protokolundan fərqlidir, lakin iki protokolun hər ikisi bir cihaz tərəfindən dəstəklənə bilər. "Bluetooth 4.0" spesifikasiyası cihazlardan hər hansı birini, ya da LE və BR/EDR sistemlərinin hər ikisini həyata keçirməyə icazə verir.
"Bluetooth Low Energy" klassik "Bluetooth" ilə eyni 2,4 GHz radio tezliklərindən istifadə edir. Bu, ikili rejimli cihazlara bir radio antenasını paylaşmağa imkan verir, lakin daha sadə modulyasiya sistemindən istifadə edir.
Brendləşmə
2011-ci ildə "Bluetooth SIG" yeni aşağı enerji cihazları və digər "Bluetooth" cihazları arasında uyğunluğu aydınlaşdırmaq üçün "Bluetooth Smart" loqosunu elan etmişdir.[5]
- "Bluetooth Smart Ready" həm klassik, həm də aşağı enerjili periferiyalara uyğun olan ikili rejimli cihazı göstərir.[6]
- "Bluetooth Smart" işləmək üçün "Smart Ready" və ya başqa ağıllı cihaz tələb edən yalnız enerjisi az olan cihazı göstərir.
"Bluetooth SIG" 2016-cı ilin may ayında "Bluetooth SIG" brendinqi məlumatının verilməsi ilə "Bluetooth Smart" və "Bluetooth Smart Ready" loqolarını və söz işarələrini mərhələli şəkildə ləğv etməyə başlamışdır. Qurum yeni mavi rəngdə "Bluetooth" loqosu və söz işarəsindən istifadə etməyə qayıtmışdır.[7]
Həmçinin bax
- ANT (şəbəkə)
- ANT +
- DASH7
- Eddystone (Google)
- IEEE 802.15
- IEEE 802.15.4
- Daxili yerləşdirmə sistemi
- LoRa
- MyriaNed
- UWB
- UWB Forum
- WiMedia Alyansı
- WirelessHD
- Simsiz USB
- Zigbee
- Z-Wave
İstinadlar
Əlavə ədəbiyyat
- "Specifications – Bluetooth Technology Website". bluetooth.org. "Bluetooth 4.0 Core Specification" – GATT is described in full in Volume 3, Part G
Xarici keçidlər
- Bluetooth radio versiyaları – rəsmi vebsayt, Bluetooth.com ünvanında
- Gomez, Carles; Oller, Joaquim; Paradells, Josep. "Overview and evaluation of Bluetooth Low Energy: an emerging low-power wireless technology". Sensors. Basel. 12 (9). 29 August 2012: 11734–11753. Bibcode:2012Senso..1211734G. doi:10.3390/s120911734. ISSN 1424-8220. PMC 3478807.