McDonnell Douglas F-15E Strike Eagle

McDonnell Douglas F-15E Strike Eagle McDonnell Douglas F-15 Eagle döyüş təyyarəsi əsasında ABŞ tərəfindən istehsal olunan çoxməqsədli qırıcıdır.^[3] F-15E 1980-ci illərdə düşmənin nəzarəti altında olan ərazilərin dərinliklərində radioelektron mübarizə təyyarələrinin müşayiəti olmadan uçuşlar həyata keçirmək məqsədilə dizayn olunmuşdur. ABŞ Hərbi Hava Qüvvələrinin silahlanmasında olan F-15E qırıcıları bu qurumun arsenalında olan digər təyyarələrlə müqayisədə daha tünd rəngli hava kamuflajına və konformal yanacaq çənlərinə sahibdir.

F-15E Strike Eagle
ABŞ Hərbi Hava Qüvvələrinin 494-cü döyüş eskadrilyasına məxsus F-15E
Tipi	Çoxməqsədli qırıcı
İstehsalçı	McDonnell Douglas Boeing Defense, Space & Security
İlk uçuş	11 dekabr 1986
İstismara verilmə tarixi	1988
Status	İstismarı davam edir
İstismarçılar	ABŞ Hərbi Hava Qüvvələri İsrail Hərbi Hava Qüvvələri
İstehsal ili	1985–davam edir
Buraxılış sayı	420
Vahidinin qiyməti	F-15E: 31.1 milyon dollar (1998)[1] F-15K: 100 milyon dollar (2006)[2]
Baza modeli	McDonnell Douglas F-15 Eagle
Variantları	Boeing F-15SE Silent Eagle
Vikianbarda əlaqəli mediafayllar

F-15E qırıcıları indiyə qədər İraq, Əfqanıstan, Suriya və Liviyada baş tutmuş döyüş əməliyyatlarında istifadə olunmuşdur. Həmin əməliyyatlar zamanı bu döyüş təyyarələri düşmənin dərinlikdə yerləşən vacib hədəflərinin məhv edilməsi, hava patrulunun təşkil olunması və koalisiya qoşunları üçün yaxın hava dəstəyi məqsədilə istifadə olunub. F-15E sonradan bəzi xarici ölkələrə də ixrac olunmuşdur.