Гамбург (аэропорт)
Гамбург (нем. Flughafen Hamburg-Fuhlsbüttel) (IATA: HAM, ICAO: EDDH) — Гамбург халыҡ-ара аэропорты, Германия. Ҡала үҙәгенән 8,5 километр алыҫлыҡта урынлашҡан. Илдең иң көсөргәнешле эшләгән биш аэропорты иҫәбенә инә, пассажирҙар әйләнеше йылына яҡынса 12,84 миллион кеше[9].
Тарихы
«Гамбург» халыҡ-ара аэропорты Германияла иң боронғо эшләүсе аэропорт һанала. Ул 1911 йылдың ғинуарында асыла. XX быуаттың 90-сы йылдарында уны Гамбургтан төньяҡҡараҡ күсерергә планлаштырыла, ләкин һуңыраҡ проекттан реконструкциялау файҙаһына баш тарталар: инфраструктураның һәм пассажирҙарҙы хеҙмәтләндереүҙең яңы биналары, ҡунаҡхана, транспорт инә торған юлдар төҙөлә. Шулай уҡ ҡала электричкаһы линияһы үткәрелә. 2016 йылдың 10 ноябренән Гамбург аэропорты Гельмут Шмидт исемен йөрөтә[10].
Характеристика
Аэропорттың асфальт менән ҡапланған ике осоу-ултырыу һыҙаты бар. Береһенең оҙонлоғо 3 250 метр, икенсеһенеке — 3 666 метр. Ике осоу-ултырыу һыҙаты ла, шулай уҡ ерҙән тәгәрләп барыу юлдары һәм платформалар барлыҡ һауа судноларын ҡабул итергә әҙер, шул иҫәптән Airbus A380. Ошо типтағы самолеттар авиакомпанияларға тапшырыу алдынан нәҡ бында буяу процесы үтә[9].
Авиакомпаниялар һәм йүнәлештәр
| Авиакомпания | Тәғәйенләнгән пункт | Терминал |
|---|---|---|
| Aer Lingus | Дублин | 1 |
| Аэрофлот | Москва-Шереметьево | 1 |
| AirBaltic | Рига, Вильнюс | 1 |
| Air France | Лион, Париж-Шарль де Голль, Роттердам | 1 |
| Air Malta | Мальта | 1 |
| Austrian Airlines | Вена (сезонный) | 2 |
| British Airways | Лондон-Хитроу | 1 |
| Brussels Airlines | Брюссель | 2 |
| Bulgarian Air Charter | Бургас (сезонный), Варна (сезонный) | 1 |
| Cirrus Airlines | Дрезден | 1 |
| Czech Airlines | Прага | 1 |
| EasyJet | Лондон-Гатвик, Манчестер | 1 |
| Lufthansa | Дюссельдорф, Кёльн/Бонн, Лондон-Хитроу, Мадрид, Москва-Домодедово, Мюнхен, Пальма-де-Мальорка, Париж-Шарль де Голль, Рейкьявик-Кефлавик, Санкт-Петербург, Франкфурт, Цюрих, Штутгарт | 2 |
| Lufthansa Regional | Штутгарт | 2 |
| Россия | Санкт-Петербург | 1 |
| Turkish Airlines | Анталья, Стамбул-Ататюрк | 1 |
| Viking Hellas | Ларнака | 1 |
Шулай уҡ ҡарағыҙ
- Германия аэропорттары исемлеге
Иҫкәрмәләр
Һылтанмалар
- Официальный сайт аэропорта 2005 йыл 10 июль архивланған. (инг.) (нем.)
- Аэропорт Гамбурга — статья