Панин Григорий Валерьевич

Панин Григорий Валерьевич (24 ноябрь 1985 йыл, Ҡарағанды, Ҡаҙаҡ ССР-ы) — Рәсәй хоккейсыһы, һаҡсы. Тольятти «Лада» хоккей клубы тәрбиәләнеүсеһе. Әлеге ваҡытта Континенталь хоккей лигаһында сығыш яһаған Өфөнөң «Салауат Юлаев» хоккей клубы уйынсыһы. 2009 һәм 2010 йылдарҙа Ҡазандың «Аҡ Барс» командаһы составында ике Гагарин кубогын яулай. 2005 йылда Рәсәй йәштәр йыйылма командаһы менән донъя чемпионатының көмөш миҙалдарын яулай.

Григорий Панин
Позиция

һаҡсы

Буйы

184 см

Ауырлығы

89 кг

Ҡулсыр

Һул

Гражданлығы

Рәсәй флагы Рәсәй

Тыуған көнө

24 ноябрь 1985({{padleft:1985|4|0}}-{{padleft:11|2|0}}-{{padleft:24|2|0}}) (38 йәш)
Ҡаҙаҡ ССР-ы, Ҡарағанды

МХЛ драфты

Һайланмай

Карьера
2002—ә.в.
Хоккейсы карьераһы
2002—2007Рәсәй флагы Лада
2003—2004Рәсәй флагы ЦСК ВВС
2007—2014Рәсәй флагы Аҡ Барс
2014—2017Рәсәй флагы ЦСКА
2017—ә.в.Рәсәй флагы Салауат Юлаев
Халыҡ-ара миҙалдары
Йәштәр чемпионаттары
КөмөшКанада 2006

Карьера

Тольяттиҙа (2007 йылға тиклем)

Григорий Панин хоккей менән Ҡаҙағстандың Ҡарағанда ҡалаһында шөғөлләнә башлай. Шунан ул Тольяттиға күсә һәм урындағы «Лада» өсөн сығыш яһай башлай. 2002/2003 йылдар миҙгелендә Григорий «Лада-2» өсөн Рәсәй чемпионатының беренсе лигаһында 37 уйында 15 мәрәй йыя. «Лада-2» «Волга буйы» дивизионында өсөнсө урынды ала. Киләһе йылда ул «Лада» хоккей клубының фарм-клубы ЦСК ВВС өсөн Рәсәй чемпионатының юғары лигаһында 26 осрашыуҙа 5 мәрәй йыя. Был команда конференцияһында 12-се урында була һәм плей-оффҡа эләкмәй. Шул уҡ миҙгелдә Панин «Лада-2» өсөн 31 уйында 6 мәрәй йыя.

2004/2005 йылдар миҙгелендә Григорий Панин Рәсәй чемпионатының Суперлигаһында «Лада» өсөн тәүге уйындарын үткәрә. Шул йылда ул бөтәһе 50 уйында бер гол керетә һәм бер пас бирә. Тольятти командаһы миҙгелдең финалына етә һәм көмөш миҙалдарҙы яулай. Киләһе миҙгелдә Панин 61 уйында ҡатнаша һәм плей-оффта тәүге мәрәйҙәрен йыя. 2006/2007 йылдар миҙгеле Панин өсөн Тольяттилағы һуңғы тулы миҙгел була.

«Аҡ Барс» (2007—2014)

2007 йылдың 13 ноябрендә Григорий Панин Ҡазандан «Аҡ Барс» менән контракт төҙөй[1]. 2008 йылдың башында Панин яңы командаһы менән Континенталь кубокты еңә. «Аҡ Барс» өсөн Рәсәй чемпоинатында ул 43 уйында 10 мәрәй йыя. Плей-оффта иһә ярымфиналда «Салауат Юлаев» командаһынан отола. 2008 йылда Континенталь хоккей лигаһы барлыҡҡа килә, «Аҡ Барс» башҡа клубтар менән шунда күсә. Ҡазан клубы даими миҙгелде икенсе урында тамамлай. Гагарин кубогы өсөн плей-оффта бер-бер артлы «Барыҫ», «Авангард», Мәскәүҙән «Динамо» һәм «Локомотив» хоккей клубтарын ота һәм КХЛ-дың тәүге миҙгеленең чемпионы исемен һәм Рәсәй чемпонатының алтын миҙалдарын яулай. Панин плей-оффта штраф минуттарын иң күп алған уйынсы була.

2009/2010 йылдар миҙгелендә Панин «Аҡ Барс» менән был һөҙөмтәне яңынан ҡабатлай — Гагарин кубогы икенсегә Ҡазанда ҡала. 2012 йылдың 3 май көнөндә Григорий «Аҡ Барс» менән яңы контракт төҙөй[2]. 2013 йылдың 18 октябрендә Григорий Панин 11 уйынға дисквалификация ала — ул уйын туҡтағас «Медвешчак» уйынсыһы Мэтт Мерли башына һуға[3]. Шул КХЛ вице-президенты Владимир Шалаев әйтеүе буйынса, Григорий тағы ла 2,5 миллион һумлыҡ штраф ала[4]. 2014 йылдың 19 июнендә «Аҡ Барс» Панин менән контракты өҙә[5].

ЦСКА һәм «Салауат Юлаев»

2014 йылдың 21 июнендә Григорий Панин ЦСКА менән бер йылға килешеү төҙөй[6]. ЦСКА тәүгегә даими миҙгелде еңә. Шул йылда КХЛ-да даими миҙгел буйынса Рәсәй чемпионы билдәләнә. Шуға күрә Григорий Панин өсөнсө тапҡыр Рәсәй чемпионы исемен яулай. Гагарин кубогында ЦСКА конференциялар финалына етә һәм шунда буласаҡ чемпионға СКА хоккей клубына серияла ете уйында отола. Мәскәү командаһы серияның тәүге өс осрашыуында еңә, әммә киләһе дүртәүһендә отола һәм КХЛ чемпионатының бронза миҙалдарына лайыҡ була. 2015 йылдың 9 июнендә Григорий ЦСКА менән ике йылға контрактын оҙайта[7].

2015/2016 йылдар миҙгелендә ЦСКА тағы ла даими чемпионатты еңә. Шуның өсөн Виктор Тихонов исемендәге кубок бирелә. Әммә был миҙгелдә Рәсәй чемпионатының миҙалсылары плей-офф буйынса билдәләнә. Шунда ЦСКА тәү тапҡыр үҙ тарихында финалға сыға һәм шунда ете уйында Магнитогорскиҙың «Металлург» хоккей клубынан отола. Панин тәү тапҡыр Рәсәй һәм КХЛ чемпионаттарының көмөш миҙалдарын йыя. Тимәк, ул КХЛ миҙалдарының тулы комплектын йыя. 2016 йылдың 2 октябрендә «Слован» командаһына ҡаршы уйында ул судьяға һуға, шуның өсөн уйын аҙағына тиклем боҙҙан ҡыуыла, ә артабан тағы дүрт уйынға дисквалификация ала[8]. 24 декабрҙә ул «башҡа йә муйынға һөжүм» өсөн тағы дүрт уйынды үткәрергә мәжбүр була[9]. Әммә Панин яҡшы яҡтан да билдәләнеп өлгөрә: февралең бер аҙнаһында ул иң яҡшы һаҡсы тип таныла[10]. ЦСКА өсөнсөгә даими миҙгелдә беренсе була. Әммә плей-оффта һөҙөмтәләр шулай уҡ яҡшы булмай. Мәскәү клубы икенсе раундта «Локомотив» командаһынан отола һәм миҙалдарһыҙ ҡала, ә Панин серияның һуңғы уйынында ике матч-штраф алып өлгөрә[11]. Аҙаҡтан Григорий Панин 8 уйынға дисквалификация ала[12].

Миҙгел бөткәс Панин «Аҡ Барс» хоккей клубына яңынан ҡайтыр, тигән һүҙҙәр була. Әммә ул Өфөнөң «Салауат Юлаев» менән бер йыллыҡ контракт төҙөй[13]. 2017/2018 йылдар миҙгеленең тәүе 8 уйынын ул дисквалификация өсөн ҡатнашмай үткәрә. Григорий 2017 йылдың һуңғы аҙнаһында иң яҡшы һаҡсы тип таныла[14]. Даими миҙгелдә «Салауат Юлаев» конференцияла икенсе урынды яулай, 2010 йылдан бирле тәүге тапҡыр Чернышев дивизионын еңә. 6 мартта Григорий менән 2021 йылдың 30 апреленә тиклем яңы контрак төҙөлә[15]. Ә плей-оффта Өфө клубы конференция ярымфиналында «Трактор» хоккей клубына отола. Григорий бөтәһе 56 уйында 17 мәрәй йыя һәм алты гол керетә.

2018/2019 йылдар миҙгеледә Панин команданың капитаны итеп һайлана. Тик миҙгел башында ул өс аҙна йәрәхәтенән дауалана[16]. Ноябрь аҙағында Григорий йәрәхәтенең рецидивын ала һәм уйындар ҡалдырырға мәжбүр була[17]. «Салауат Юлаев» даими миҙгелде конференцияла алтынсы урында тамамлай, Гагарин кубогы өсөн плей-оффтың тәүге этабында «Металлург» хоккей клубын ота (4-2 серияла иҫәп). Конференция ярымфиналында беренсе урын алған «Автомобилист» командаһын 4-1 иҫәбе менән Өфө клубы еңә, шул серияның ике уйынын Григорий Панин дисквалификация өсөн ситтән ҡарай[18]. Көнсығыш конференцияһы финалында «Авангард» хоккей клубына ҡаршы серияның дүртенсе осрашыуында Григорий тағы йәрәхәтләнә[19] — миҙгел уның өсөн тамамлана, ә «Салауат Юлаев» серияла 2-4 иҫәбе менән отола. Григорий был йылда барыһы 59 уйында 9 мәрәй һәм «+11» файҙалыҡ күрһәткесен йыя.

Рәсәй йыйылма командаһында

2002 йылда Панин тәү тапҡыр Рәсәй юниорҙар йыйылма командаһына саҡырыла. Бик мөһим булмаған турнирҙарҙа ул бөтәһе 17 уйын уҙғара һәм өс һөҙөмтәле пас бирә. 2004/2005 йылдар миҙгелендә ул Рәсәй йәштәр йыйылма командаһы менән донъя чемпионатында ҡатнаша. Финалда Канада йәштәренән отолалар һәм көмөш миҙалдар яулайҙар. Григорий Панин алты уйында 1 мәрәй йыя. Шунан бирле ул башҡаса йыйылма командаға саҡырылмай.

Статистика

Һуңғы яңыртыу: 22 июль 2019

Клубта карьераһы

Даими миҙгелПлей-офф
МиҙгелКомандаЛигаУГПМШтр+/-УГПМШтр+/-
2002/03Лада-2БЛ3787151464
2003/04ЦСК ВВСЮЛ26145362
2003/04Лада-2БЛ3124653
2004/05ЛадаРСЛ42112503800040
2005/06ЛадаРСЛ5156111213812320-2
2006/07ЛадаРСЛ4816793-9300040
2007/08ЛадаРСЛ20123593Команданан китә
2007/08Аҡ БарсРСЛ33358521710112456
2008/09Аҡ БарсКХЛ4521012821819022440
2008/09Аҡ Барс-2БЛ21232
2009/10Аҡ БарсКХЛ381786561524622
2010/11Аҡ БарсКХЛ41381164239112301
2011/12Аҡ БарсКХЛ501111212071202212-1
2012/13Аҡ БарсКХЛ19033313
2013/14Аҡ БарсКХЛ26044840
2014/15ЦСКАКХЛ4801010422114112222
2014/15ЦСКАКХЛ140224-340220-1
2015/16ЦСКАКХЛ4512379111701156-1
2016/17ЦСКАКХЛ3244879208033561
2017/18Салауат ЮлаевКХЛ42381187714336203
2018/19Салауат ЮлаевКХЛ4616779313022388
2019/20Салауат ЮлаевКХЛ
Бөтәһе РСЛ-да1941120313751729235734
Бөтәһе Ьеренсе лигала701113241190
Бөтәһе Юғары лигала26145362
Бөтәһе КХЛ-да4321673888121191217192628015

Халыҡ-ара карьераһы

ЙылКомандаТурнирУрын УГПМШтр
2005Рәсәй U20ЙДЧ 60116

Ҡаҙаныштары

  • Йәштәр донъя чемпионатының көмөш миҙалсыһы — 2005.
  • Рәсәй чемпионатының көмөш миҙалсыһы — 2004/2005.
  • Континенталь кубок еңеүсеһе — 2008.
  • Гагарин кубогы еңеүсеһе — 2008/09, 2009/10.
  • Рәсәй чемпионы — 2009, 2010, 2015.
  • Виктор Тихонов исемендәге Континент кубогы еңеүсеһе — 2014/15, 2015/16, 2016/17.
  • КХЛ чемпионатының бронза миҙалсыһы — 2014/15, 2018/19.
  • КХЛ чемпионатының көмөш миҙалсыһы — 2016.

Шәхси тормошо

Григорий Паниндың тәүге ҡатыны Регина Марк исемле улын тыуҙыра. 2009 йылда Регина автомобилендә авария яһай. Уның һөҙөмтәләре буйынса ике кеше һәләк була. Регинаны дүрт йылға төрмәлә язаға тарттыралар. Әммә бәләкәй балаһы булғанға, язаһын 14 йылға күсерәләр[20]. 2013 йылда Григорий менән Регина айырылышалар. Шунан Григорийға яңы ҡатыны Инна 2015 йылда Платон исемле тағы бер ул тыуҙыра.

Иҫкәрмәләр

Һылтанмалар

🔥 Top keywords: Баш битГазпром Нефтехим СалауатВикипедияРәсәй Федерацияһының социаль картаһыИкенсе донъя һуғышыАрыҫлан петроглифтарыВикипедия:Яуаплылыҡтан баш тартыуМахсус:Һуңғы үҙгәртеүҙәрВикипедия:ТасуирламаВикипедия:Алфавитлы күрһәткесВикипедия:БелешмәЭҙләүҙе оптималлаштырыуФранк АннаВикипедия:БерләшмәВикипедия:ҠоролтайКеше яҙмышыАллаһы Тәғәләнең күркәм исем сифаттарыАҠШ юстиция департаментыПортал:Ағымдағы ваҡиғалар/Башвики наградаларыБабич Шәйехзада Мөхәмәтзакир улыМахсус:ЭҙләүВикипедия:Рәхим итегеҙВикипедия:Хата тураһында белдереүДжордано БруноИнглиз телеВикипедия:BarМария-АнтуанеттаВикипедия:Һайланған мәҡәләләрВикипедия:Ағымдағы ваҡиғаларВикипедия:Яҡшы мәҡәләләрВикипедия:Сифатлы мәҡәләләрБиишева Зәйнәб Абдулла ҡыҙыИшбаев Райман Сәйәх улыҮҙəк Совет власы менəн Башҡорт хөкүмəте араһында Башҡорт Совет автономияһы тураһында килешеүМахсус:Әңгәмә битемБашҡорт алфавитыФайл:Flag of Indonesia.svgВикипедия:ВикиосрашыуСифат