Ҡышҡы һарай

Ҡышҡы һарай (1918—1943 йылдарҙа — Сәнғәт һарайы) — Рәсәйҙең төп император һарайы. Санкт-Петербургта Һарай майҙаны, 2/Һарай яр буйы, 38, адресы буйынса урынлашҡан. Һарайҙың хәҙерге (бишенсе) бинаһы 1754—1762 йылдарҙа итальян сығышлы рус архитекторы Бартоломео Франческо Растрелли тарафынан ҡупшы Елизавета бароккоһы стилендә интерьерҙарында француз рококо элементтары менән төҙөлгән. Совет осоронан алып һарайҙа Дәүләт Эрмитажының төп экспозицияһы урынлашҡан.

Ҡышҡы һарай
Нигеҙләү датаһы	1754 һәм 1762
Нигеҙләүсе	Елизавета Петровна
Дәүләт	Рәсәй[1]
Административ-территориаль берәмек	Һарай округы[d][1]
Әҫәр заказсыһы	Пётр I
Архитектор	Франческо Растрелли[d]
Архитектура стиле	Елизаветинское барокко[d]
Обитатель	Эрмитаж Дәүләт Музейы[d]
Мираҫ статусы	объект культурного наследия России федерального значения[d]
Рәсми сайт	hermitagemuseum.org/wps/…
Страница учреждения на Викискладе	Winter Palace
Ҡышҡы һарай Викимилектә

1762 йылда төҙөлөш тамамланыу менән 1904 йылға тиклем Рәсәй императорҙарының ҡышҡа рәсми резиденцияһы сифатында ҡулланыла. 1904 йылда Николай II даими резиденцияһын Царское Селолағы Александр һарайына күсерә. 1915 йылдың октябренән 1917 йылдың ноябренә тиклем һарайынҙа царевич Алексей Николаевич исемендәге госпиталь эшләй. 1917 йылдың июль-ноябрендә бында Ваҡытлы хөкүмәт урынлаша. 1920 йылдың ғинуарында һарайҙа Революция дәүләт музейы асыла, 1941 йылға тиклем бинаны Дәүләт Эрмитажы менән бүлешәләр.

Ҡышҡы һарай һәм Һарай майҙаны хәҙерге ҡаланың матур архитектура ансамблен барлыҡҡа килтереп, эске Рәсәй һәм халыҡ-ара туризмдың төп объекттарының береһе булып тора.