Intadisziplinarität

Wissnschoftliche Foaschung is duach oabatsteilige Prozess kennzeichnat. Spezoilisierung in oanzalne Fächa is de Konzequenz. Olladings is de Wirklekeit, de de wissnschoftliche Foaschung reflektiert, vuischichte und komplex. A Untateilung in Oanzlwissnschoftn, de oft willkürle is, findt in da Wirklekeit nua söjtn stott; de Probleme san ned imma entsprechand de disziplinärn Grenzn zuagschnittn, sondan umfassn oft mehrare Fächa. Foaschungsfrogn keannan oiso haifig aus am oanzalna Fach raus beantwoat wern, sodass a Zammaoabat zwischen (inta) de Disziplinan notwende is. Da Didaktika Siegbert A. Warwitz fiaht des am Beispui vo da Spoatwissnschoft aus " Spoatazeihung konn se nimma im bloßn Doa, söjbst ned im nua begründtn Doa und da reflektierandn Begleitung vom Voizug, ascheapfn. Spoataziehung impliziert doriba naus a kognitive Komponentn, des Foch und de fochliche Oabat grundsätzle, d. h. noch de Wuazln, Ausprägunga, Meaglekeitn, Wert, Mißwüchs, Missbraich hi zum duachdenga." Da Spoatwissnschoftla Klaus Willimczik hot de daraus awachsandn Konsequenzn fia de Zammaoabat mit so untaschiedlichn Disziplinan wia de Medizin, de Biomechanik, de Psychologie, de Soziologie oda de Pädagogik ausfürle dogstöjt.Manche wissnschoftliche Fachrichtunga wia de Biochemie oda de Geotechnik, de Spoatwissnschoft oda de Vakeahswissnschoft san aus längarar intadisziplinära Zammaoabat entstandn (vgl. Intadisziplinäre Wissnschoft). Donem san aa weniga stoak strukturierte Foaman vo da fächaibagreifndn oda intadisziplinärn Foaschung heit ible gworn wia etwa de Gorillafoaschung oda de Wagnisfoaschung. Oft praktiziert aa dea oanzalne Wissnschoftla a perseanliche Intadisziplinarität, indem er Kompetenzn untaschiedlicha Disziplinan in se vaeint, etwa in da Schuididaktik in Foam vom Projektuntaricht.Wesantle fia de fächaibagreifande Zammaoabat is, dass iba de Fachgrenzn hinweg a Vaständigungsprozess stottfindt, d. h. a gmoasame Sproch zua Beschreibung und Leasung vo de Probleme grundn werd, aba aa Kriterien, beispuisweis zua Beweatung vo da Qualität vo da wissnschoftlichn Leistung, teilt wern. Prinzipien, noch dene Wissnschoftla fächaibagreifnd oabatn und zammaoabatn keannan, san im Vahöjtnis vo de Disziplinan (a) des Prinzip vo da Gleichoadnung vo de Disziplinan, (b) des Prinzip vo da Transzendierung vo de Disziplinan, (c) des Prinzip vo da Identifikation vom Foaschungsgengstand, (d) des Prinzip vo da Minimalität beim Wissnstransfer, (e) des Prinzip vo da Synergie und (f) des Prinzip vo da Integration; Prinzipien de Sproch betreffand san (a) des Prinzip vo da Einheit, (b) des Prinzip vo da Oidogssproch und (c) des Prinzip vom Vagleich.Ab wann vo intadisziplinäre Oabat gsprochn werd, konn se in vaschiedanen Fachrichtunga stoak untascheidn. So is a Ingenieur fia Nochrichtntechnik de Zammaoabat mit am Ingenieur fia Hochspannungstechnik ned ois intadisziplinär bezeichnan. Dogeng sprechan Medizina bereits vo Intadisziplinarität bei Zammaoabat vo Urologie und Gynäkologie, obwoi de Fachrichtunga nahe vawandt san.

• Archäologie: In da Archäologie spuin natuawissnschoftliche und sozoiwissnschoftliche Forschunga a große Roin. So wern beispuisweis de Akenntnisse vo de Nachboawissnschoftn Gschichtswissnschoftn, Ethnologie oda Anthropologie intensiv gnutzt, aa biologische, geowissnschoftliche und paläoklimatologische Foaschunga wern imma bedeitsama.
• Geologie: Fachleit vo da Wuidbochvabauung untasuachan gmoasam mit Geologie, Bodnmechanik, Geotechnik und Geodäsie de Bewegungnga vo am Steilhang und de Gfahr vo Murn.
• Kindheitsfoaschung: De Kindheitsfoaschung untasuacht de Lebnsbedingunga vo Kinda unta antrhopologischn, wirtschoftlichn, gschichtlichn, soziologischn und andane Gsichtspunkt.
• Kommunikationswissnschoft: De Kommunikationswissnschoft greift Theorin, Modelle, Konzepte usw. vo andane eignständige Fachbereich wia etwa da Soziologie, da Politologie und da Voikswiatschoftslehr aaf und entwicklt's so entschiedn mit.
• Medizin: Im Bereich vo da Medical Humanities werd vasuacht, a Vabindung zwischn dea natuawissnschofle orientiertn Biomedizin und de Human- und Geisteswissnschoftn zu ameaglichn.
• Medizintechnik: A Oazt fia Innare Medizin kooperiert mit am Rötgnfachoazt und mit Physikan oda Ingenieurn, um neie Methodn oda Geräte zum entwickln.
• Neurojurisprudenz: De Neurojuresprudenz afoascht meagliche Konsequenzn vo de Neurowissnschoftn fia de Rechtsoadnung.
• Ekologie: De Foaschung zu de komplexn Problemlogn vom glabaln Wandl setzt a intadisziplinäre Hearogehensweis voaraus, um unta andam Basisinfoamationa fia politische Handlunga liefan zum keana. Je noch Frognstellung findt beispuisweis a Zammaoabat zwischn Biologn, Hydrologn, Psychologn, Juristn, Ekonomanund Eadkundla stott. Oft findt in am Projekt neba da intadisziplinärn Kooperation aa a transdiszilinäre Kooperation stott.
• Paläontologie: A Paläontologe oabat mit Zoologn, Botanikan und Geowissnschoftlan zamma, um mit dene eahnane Ergebnisse a meaglichst umfassnds Buid vo ausgstormne Tier- oda Pflanznoatn zum entweafn.
• Politologie: De Politologie greift Theorian, Modelle, Konzepte usw. vo andane, eignständinga Fochbereich wia da Soziologie, da Voikswiatschoftslehre und da Oigmeinen Stootslehre aaf und entwicklt's so entscheidant mit.
• Provenienzfoaschung: Bei da Klärung vom Weg vo Kunstweake in eaffantliche und private Kunstsammlunga und aa in Bezug aaf menschliche Ibareste in natuawissnschoftlichn Sammlunga keamman intadisziplinäre Foaschunga zum Drong.
• Rechtswissnschoft: De Foaschung zu juristischn Konfliktn etwa vo Grundrechtn afoadat de Oabat in mehrare wissnschoftlichn Disziplinan zugleich, im Konflikt vo Perseanlekeitsrecht und Kunstfreiheit etwa vo Rechtswissnschoftn, Philosophie, Psychologie sowia Literatuawissnschoftn und Linguistik, um de grundlegandn Wirkunga vo de Prozess vom Lem aaf de Menschn und Mitmenschn juristisch beurteiln zum keanna.
• Sozoieakonomie: Die Sozoieakonomie noch Alfred Oppolzer und Ernst Langthaler stöjt an intadisziplinärn Osotz zua Beschreibung historischer sozoia Voagäng do.
• Spoatwissnschoft: De Spoatwissnschoft is a intadisziplinäre Wissnschoft, de in Kooparation mit ana Reih vo andane Wissnschoftn wie etwa da Soziologie, da Ethik, da Biologie, da Medizin, de Biomechanik oda da Pädagogik de Probleme und Ascheinungsfoaman im Bereich vo Spoat und Bewegung afoascht.
• Vakeahswissnschoftn: De Vakeahswissnschoftn san a Wissnschoftsbereich, dea se mit de relevantn Probleme und Aeignisse vo da Vakeahswöjt ausanandasetzt und bei da Aafoabeitung dea fia de charaktaristischn Oatsvaändarunga vo Menschn, Warn, Nochrichtn mit de spezoilisiertn juristischen, ekologischn, technischn, psychologischn oda pädagogischn Disziplinan zammaoabat.
• Vawoitungswissnschoftn: In da Vawoitungswissnschoft werd de eaffantliche Vawoitung sowoi aaf Makro- ois aa aaf Mikroebane unta stoots- und Politikwissnschoft sowia historischn und ekonomischn Aspektn untasuacht.
• Wognisfoaschung: De Wognisfoaschung is a in de Humanwissnschoftn vaoateta, intadisziplinär strukturierta Foaschungsbereich, dea se mit dem bewusstn Eigeh und Alem vo Grenzsituationan ausanandasetzt. Dozua wern etwa de Akenntnis vo da Evolutionstheorie, dea Kuituaanthropologie, dea Sozoiwissnschoftn, dea Vahoitnsfoaschung, dea Differentielln Psychologie, dea Ethik oda dea Pädagogik kooparativ aafgoabat und evaluiert.
• Wiatschoftsinfoamatik: A Wiatschoftsinfoamatika oabat haife mit Wiatschoftswissnschoftla und Infoamatika zamma. Donem entwicklt ea eigane Methodn fia eigane Problemtypn, in dene se de Vafoahn vo de zwoa andan Wissnschoftn ois unzuareichand awiesn ham.
• Wirtschoftswissnschoft: A Wiatschodtsingenieur oabat z. B. im Management vo am Industrieuntanehman und feadat do Vaständnis und Zammaoabat zwischen Betriebswiat, Controllan und Ingenieur vo vaschiedane Brachn mit seim eigana, intadisziplinärn Fochwissn (vgl. dozua de Qualitätsmanagement-Methode Quality Function Deployment oda aa Six Sigma). Ähnliche Aafgobngebiete beoabat aa des Patentingenieurwesn.