Diyalektong Banyumasan
An Banyumasan, pankolokyal na bisto sa Basa Ngapak, saróng diyalektos kan Habanes na pangenot na pigtataram sa tolóng mga lugar sa Haba, sa Banyumasan, nakamugtak sa pinakasulnupan kan Provincia nin Sentral Haba asin napapalibutan kan kabukidan nin Slamet asin kan Salog Serayu; an kagtaraid na lugar sa Provincia nin Sulnupang Haba; asin sa Norteng rehiyon kan Provincia nin Banten. An lugar na ini kaiba an mga rehensiyang Majenang, Cilacap, Gombong, Kebumen, Banjarnegara, Purbalingga, Purwokerto, Bumiayu, Slawi, Pemalang, Tegal, asin Brebes.
| Banyumasan | |
|---|---|
| Basa Banyumasan, Basa Ngapak | |
| Katutubo sa | Sulnupang Parte kan Sentral Haba (Indonesya) |
| Katutubo | Mga tawo nin Banyumasan |
Katutubong mga parataram | 12–15 milyon[nangangaipo nin toltolan] |
| Mga Diyalekto | Tegalan, Banyumasan, Banten |
| Mga kodigo nin tataramon | |
| ISO 639-3 | – |
| Glotologo | Mayo |
Bokabularyo
An Banyumasan igwang kadakol nin pagkakaiba kun ikokomparar sa estandarteng Habanes, pangenot sa ponolohiya, pagsayod asin bokabularyo. Nangyayari ini ta sa kultural o pagkakaiba nin karakter asin halawigan na paggamit nin sa ngunyan kan bokabularyo nin Suanoy na Habanes. An saró pan pagkakaiba iyo an sa pagsayod kan mga patanog o bawel, bako man bilan pigkomplikado.
Nahanap an pangenot na pagkakaiba nin bokabularyo sa:
- Parehas na katagâ o taramon asin ponetiko alagad magkaiba an boot sabihon
- Parehas na katagâ o taramon asin boot sabihon alagad magkaiba nin ponetiko
- Parehas na ponetiko asin boot sabihon alagad magkaiba nin pagsayod (pagsanglé kan konsonante (katanog) o bawel (patanog) ).
| Tataramon na Banyumasan | Estandarteng Habanes | Bikol Sentral |
|---|---|---|
| ageh | ayo | rani ka |
| ambring | sepi | alo silencio |
| batir | kanca | amigo |
| bangkong | kodok | talapang |
| bengel | mumet | hilo |
| bodhol | rusak | pasá raot |
| brug → Subli-taramon sa Olandes | kreteg | tulay |
| bringsang | sumuk | mainit |
| gering | kuru | manipis |
| clebek | kopi | kape |
| londhog | alon | luway |
| druni | medhit | kuripot kurispot |
| dhonge/dhongane | kudune | Kaipuhan na |
| egin | isih | pa man |
| gableg | duwe | igwa |
| getul | tekan | abot |
| gigal | tiba | hulog |
| gili | dalan | dalan |
| gujih | rewel | maselan |
| jagong | lungguh | tukaw |
| kiye | iki | ini |
| kuwe | iku | iyan |
| letek | asin | maaskad |
| maen | apik | maray |
| maregi | nyebeli | maraot |
Mga diyalektos asin mga sub-diyalektos
May 3 pangenot na mga diyalektos kan tataramon na Banyumasan: Lugar sa Norte (Tegalan), Lugar sa Sur (Banyumasan), asin Banten.
Pigtataram an diyalektong Tegalan sa mga lugar sa norte kan Banyumasan: Tanjung, Ketanggungan, Larangan, Brebes, Slawi, Moga, Pemalang, Surodadi, asin sa Tegal.
Pigtataram an diyalektong Banyumasan sa mga lugar sa sur: Bumiayu, Karang Pucung, Cilacap, Isla nin Nusakambangan, Kroya, Ajibarang, Wangon, Purwokerto, Purbalingga, Bobotsari, Banjarnegara, Purwareja, Kebumen, asin Gombong.
Pigtataram an diyalektong Banten sa norteng Banten.
Sa kadagdagan, may mga pirang mga sub-diyalektos a pigtataram sa Banyumasan, arog kan sub-diyalektong Bumiayu, sub-diyalektong Dayeuhluhur, asin sub-diyalektong Ayah.
Hilingon man
- Iskriturang Habanes
- Haba (isla)
- Hans Ras
- Mga tawo nin Banyumasan
Mga Panluwas na Takod
| An edisyon nin Basa Banyumasan kan Wikipedya, an talingkas na Ensiklopedya |
Sarong tamboan ining artikulo patungkol sa mga tataramon na Austronesyo. Makakatabang ka sa Wikipedya sa pagpoon kaining pahina.