Katoninongan

An katoninongan (Ingles: peace) iyo an kamugtakan kan pagkakaigwa nin katrangkilohan asin katiwasayan. Ini an kamugtakan sa panahon na mayong ribok, iwal, pagsuruhayan, pagdiringkilan, o gera. ^[1][2][3]

Sa lawig nin historya, mga lider hinihimo an mga pangkatoninongan na lakdang asin diplomasya ngani magkaigwa nin pugol sa paghihiro nin komunidad na ini magbunga nin katuninongan rehiyonal asin pag'uswag ekonomiko. Mga iba-ibang porma nin tratado sa pag'ultan nin mga nasyon ginigiribo tangarig maseguro an katoninongan. An siring na mga lakdang minaresulta sa pag-ina nin diringkilan o siriplingan, pasiring sa mas marambong na relasyon sa negosyo na minabunga nin pagrahay kan mga ekonomiya nin mga nasyon.