Louis Pasteur

Si Louis Pasteur ForMemRS (/ˈluːi pæˈstɜːr/, Pranses: [lwi pastœʁ]; 27 Desyembre 1822 – 28 Septembre 1895) iyo sarong kimiko asin mikrobiyolohista na pigbibisto para sa saiyang pagkadiskobre nin mga prinsipyo kan bakunasyon, mikrobyal na permentasyon, asin pasteurization. An saiyang pag-aadal sa kimika an nagtao nin dalan sa dakulang trayumpo sa pagkaintindi nin mga kawsa asin paglikay sa mga helang, na naghaman sa pundasyon nin paglinig, pampublikong salud, asin kadaklan nin modernong medisina.^[6] An saiyang gibo iyo pigkredito sa pagsalbar sa milyon nin buhay sa paagi nin paghaman nin bakuna para sa rabies asin anthrax. Pigbisto siya bilang saro sa mga kagmokna kan modernong bakteryolohiya asin pig-onrahan bilang "aman kan bakteryolohiya"^[7] asin bilang an "ama kan mikrobiyolohiya"^[8][9] (kaiba si Robert Koch,^[10][11] asin dagos man ki Antonie van Leeuwenhoek^[12]).

Louis Pasteur FRS
Retrato kua ni Nadar
Kamundagan	(1822-12-27)27 Desyembre 1822 Dole, Jura, Pransya
Kagadanan	28 Septyembre 1895(1895-09-28) (edad 72) Marnes-la-Coquette, Pransya
Nasyunalidad	Pranses
Edukasyon	Matematika,[1] Docteur ès Sciences (Pisikang kimikal)[2]
Alma mater	École Normale Supérieure University of Paris
Midbid bilang	Pagmokna sa pinakaenot na bakuna para sa rabies Bakuna sa kolera[3] Bakuna sa anthrax Pasteurization
Mga aki	5
Mga gawad	Legion of Honor Grand Cross (1881) Rumford Medal (1856) Foreign Member of the Royal Society (1869) Copley Medal (1874) Albert Medal (1882) Foreign Associate of the National Academy of Sciences (1883) Cameron Prize for Therapeutics of the University of Edinburgh (1889) Leeuwenhoek Medal (1895) Order of the Medjidie[4]
Karera sa siyensya
Lado	Biyolohiya Mikrobiyolohiya Kimika Matematika Pisika
Institusyon	University of Strasbourg University of Lille École Normale Supérieure Pasteur Institute
Bantog na estudyante	Charles Friedel[5]
Lagda

Si Pasteur an responsable para sa disprobar kan doktrina nin spontaneous generation. Sa irarom kan French Academy of Sciences, an saiyang eksperimento nagpahiling na sa isterilisado asin nakatakop na flask, mayo nin nahahaman; asin sa isterilisado pero buka na flask, an mga mikroorganismo pwedeng magdakula.^[13] Sa eksperimento na ini, an akademya piggawadan siya kan Premyo Alhumbert na minadara nin 2,500 francs kan 1862.

Si Pasteur pigbibisto man bilang saro sa ama kan germ theory of diseases, na saro pang menor na konsepto kaidto.^[14] An nagkapira sa saiyang mga eksperimento nagpahiling na an mga helang pwedeng malikayan sa paggadan o pagpundo sa mga germs, na direktang nagsuporta sa germ theory asin sa aplikasyon kaini sa medisinang klinikal. Pinakabistado siya sa heneral na publiko para sa saiyang imbensyon nin teknik sa pagtrato nin gatas asin arak sa pagpundo nin bakteryal na kontaminasyon na sarong proseso na ngunyan inaapod bilang pasteurization. Si Pasteur nakahimo man nin signipikong pagkadiskobre sa kimika, pinakanotable sa molekular na basehan para sa asimetriya nin nagkairang mga kristal asin rasemisasyon.