Бокс

Бокс (ад анг. box, даслоўна скрынка^[1]) — кантактны від спорту, адзінаборства, у якім спартсмэны наносяць адзін аднаму ўдары кулакамі ў адмысловых пальчатках. Рэфэры кантралюе бой, які доўжыцца ад 3 да 12 раўндаў. Перамога прысвойваецца ў выпадку, калі супраціўнік зьбіты з ног і ня можа падняцца на працягу дзесяці сэкундаў (накаўт) або калі ён атрымаў траўму, якая не дазваляе працягваць бой (тэхнічны накаўт). Калі пасьля ўстаноўленай колькасьці раўндаў паядынак ня быў спынены, то пераможца вызначаецца ацэнкамі судзьдзяў.