Сьпіс 500 найлепшых альбомаў усіх часоў паводле вэрсіі Rolling Stone

Сьпіс 500 найлепшых альбомаў усіх часоў быў апублікаваны часопісам Rolling Stone у лістападзе 2003 году. Сьпіс складаўся па выніках галасаваньня, у якім бралі ўдзел 273 рок-музыкаў, музычныя крытыкі ды прадусары, кожны зь якіх прадставіў свой сьпіс у 50 альбомаў. Сьпіс улучыў альбомы, што прадстаўляюць розныя музычныя напрамкі, такія як поп, рок, мэтал, панк, соўл, блюз, фолк, джаз, гіп-гоп ды іх камбінацыі.

У 2005 годзе сьпіс выйшаў у выглядзе кнігі. Уступнае слова напісаў крытык Стывэн Ван Зант. Сьпіс, які быў прадстаўлены ў кнізе, крыху адрозьніваўся ад арыгіналу, бо рэдактар выдаліў нейкія кампіляцыйныя альбомы ды ўлучыў два LP-альбомы Робэрта Джонсана King of the Delta Blues Singers і The Complete Recordings, вызваліўшы такім чынам 8 дадатковых месцаў у сьпісе.

Статыстыка сьпісу

Па колькасьці прадстаўленых альбомаў у гэтым сьпісе лідыруюць такія выканаўцы:

• The Beatles — 11 (зь іх 4 у першай дзясятцы)
• Боб Дылан ды The Rolling Stones — па 10 (адпаведна 2 і 1 у пяршай дзясятцы)
• Брус Спрынгстын — 8
• The Who — 7
• Элтан Джон і Дэйвід Боўі — 6

Разьмеркаваньне па часе выпуску альбому мае такую статыстыку:

• 1950-я ды раней — 29 альбомаў (5,8 %)
• 1960-я — 126 (25,2 %) (7 зь іх у першай дзясятцы)
• 1970-я — 183 (36,6 %) (3 у першай дзясятцы)
• 1980-я — 88 (17,6 %)
• 1990-я — 61 (12,2 %)
• 2000-я — 13 (2,6 %)