Google search
Google search — пошукавая сыстэма ад Google, якая займае першае месца па колькасьці карыстальнікаў у Сеціве — 84,91%[2][3]. Google апрацоўвае сотні мільёнаў запытаў штодзень. Першапачаткова сыстэма была разробленая Лэры Пэйджам і Сяргеем Брынам у 1997 годзе[1].
| Пошук Google | |
 | |
 Галоўная старонка беларусамоўнае вэрсіі | |
| Тып | Пошукавая сыстэма |
|---|---|
| Даступныя мовы | Беларуская і 122 іншыя (2015) |
| Уладальнік | Google Inc. |
| Аўтар | Сяргей Брын і Лэры Пэйдж |
| Пачатак працы | 15 верасьня 1997 (26 гадоў таму)[1] |
| Камэрцыйны? | Так |
| Рэгістрацыя | Па жаданьні |
| Прыбытак | Праз AdWords |
| Актуальны стан | Працуе |
| Рэйтынг Alexa | 1 |
| Мова праграмаваньня | C, C++ і Python[d] |
| Google.com | |
Акрамя, натуральна, пошуку па словах, Google падтрымлівае іншыя карысныя функцыі: сынонімы, прагнозы надвор’я, часавыя пасы, біржавыя індэксы, мапы, зьвесткі пра землятрусы, расклады паказу фільмаў і гэтак далей. Акрамя гэтага, падтрымліваецца канвэртацыя адзінак вымярэньня і грошаў, вылічэньні (3*4+sqrt(6)-pi/2), пошук па патэнтах і іншае.
Вынікі пошуку выводзяцца суадносна са спэцыяльнай тэхналёгіяй «PageRank», якая зьяўляецца камэрцыйнай тайнай. Акрамя гэтага, завалоданьне інфармацыяй пра альгарытм працы PageRank можа сапсаваць вынікі ў выгаду спамэраў. Вынікі пошуку можна ўдакладніць мноствам шляхаў, напрыклад, выдаліць вынікі, у якіх сустракаецца «слова»: запыт -слова.
Пошукавая сыстэма
PageRank
- Асноўны артыкул: PageRank
Падчас адлюстраваньня рэзультатаў выкарыстоўваецца спэцыяльны запатэнтаваны альгарытм PageRank. PageRank вылічвае рэкурсіўны «кошт» старонак, зыходзячы з сумы ўжо вылічаных «коштаў» старонак, якія спасылаюцца на дадзеную. Мяркуюць, што PageRank лічыцца з гэтак званымі крытэрамі значнасьці для чалавека. Мноства пошукавых сыстэмаў да Google выводзіла вынікі запыту паводле колькасьці напатканых ключавых словаў у пэўным выніку, ці паводле рэлевантнасьці. Акрамя PageRank, Google мае яшчэ ~200 крытэраў, якія ўдасканальваюць сьпісы з вынікамі[4].
Пошукавыя вынікі
Мэтаю Google зьяўляецца ня толькі праіндэксаваць і закэшаваць старонкі, але і зрабіць «здымкі» іншых тыпаў файлаў: PDF, дакумэнтаў Word, табліцаў Excel, Flash SWF, простых тэкстаў і гэтак далей.[5] Акрамя тэкставых файлаў і SWF-кліпаў, закэшаваныя дакумэнты канвэртуюцца ў (X)HTML, каб усе гэтыя дакумэнты кожны мог пабачыць без адмысловых прыладаў.
Страты энэргіі
Google завярае, што адзін пошукавы запыт дае страту прыкладна 1 кДж што эквівалентна 0,0003 кВт·г[6].
Беларусь
З 2008 году пошукавая сыстэма мае беларускі інтэрфэйс. 11 лютага 2010 году на пошукавым сэрвісе быў зьмешчаны лёга з малюнка Напалеона Орды «Палац Чацьвярцінскіх у Горадні»[7]. У сьнежні 2013 году на пошукавік «Гугл» прыпадала 50 % пошукавых запытаў у Беларусі[8].
Крыніцы
Вонкавыя спасылкі
Google search — сховішча мультымэдыйных матэрыялаў