ویکیپیدیا:وتار چییە؟

پێویستە نووسینی وتارەکان لەگەڵ سیاسەتە فەرمییەکانی ویکیپیدیا بگونجێت، و پێویستە بە شێوەیەک بنووسرێت ھەموو کەسێک بەبێ سنووردار کردنی تەمەن لێی تێبگات، و نابێت لایەنگرانە بێت و دەبێت ھەموو ڕوانگەکانی تێدابێت و بایەخدار بێت. نابێت بەشێوەی ڕێکلام نووسرابێت، ئەگەر زۆر وەسفی بکرێت بە پلە باڵاکان وەک:

• باشترین
• خۆشترین

ھتد ھەڵەن، مەگەر سەرچاوەیەکی باوەڕپێکراو شتێکی نووسیبێت و بەو وشانە وەسفیانکردبێت. وتارەکان نابێت تەنیا پێناسەیەکی کورت بن و دەبێت بە پوختی باس کرابن، لەپاڵ ھەموو ئەمانە بۆکسی زانیاری و ئینفۆبۆکسەکان گرنگن ھەبن بۆ پێدانی زانیاریی خێرا. ئەگەر وتارێک ھەموو یاساکانی لەبەرچاو گرتبێت، لەوانەیە بە وتاری باش یان وتاری ھەڵبژێردراو دیاری بکرێت.

• لەبەرگرتنەوە (کۆپی) لە ماڵپەڕ و وێبلاگەکانی ئینتێرنێت نایاسایییە.
• کاتێ زانیارییەک زیاددەکەیتە سەر وتارێک، ھەوڵ بدە لە زاری خۆتەوە و بە وشەی خۆت نووسرابێت، نەک ڕاست لە سەرچاوە کۆپی-کراو. لە یادت بێت کە ھەرشتێک لەسەر ئینتەرنێت بڵاودەبێتەوە، مافی بڵاوکردنەوەی پارێزراوە مەگەر خاوەنەکەی پێچەوانەکەی وتبێت.
• تەواوی پیتەکان و نیشانەکان دەبێت بە نووسە دروستەکەیان بنووسرێن.

نووسینی وتار دەبێت بە کوردی بێت، ھەر وەک بۆشایی ناوی وتارەکە، کاتێک کە بۆکسی زانیاریت لە وتارێکدا دانا، تکایە زانیارییەکانی ناوی وەربگێڕە سەر کوردی و بە ئینگلیزی بەجێی مەھێڵە.