Ուտրեխտ (հոլ.՝ Utrecht (արտասանություն)), համայնք Նիդերլանդների Ուտրեխտ մարզում։ Տարածքը 95,67 կմ² է, բնակչության թվաքանակը՝ 347.574 (2018 թ.)[1]։ Մեկ շնչի տարեկան միջին եկամուտը 13.600 եվրո է։
Ուտրեխտում է գտնվում Նիդերլանդների ամենամեծ համալսարանը, ինչպես նաև՝ բարձրագույն կրթության մի շարք խոշոր այլ հաստատություններ։ Գտնվելով երկրի կենտրոնում՝ քաղաքը դարձել է երկաթուղային ու ավտոմոբիլային ճանապարհների կարևորագույն հանգույց։ Ուտրեխտը նաև մշակութային բազում միջոցառումների անցկացման վայր է և դրանց քանակով Նիդերլանդներում զիջում է միայն Ամստերդամին[2]։
Զբոսաշրջային տոմսերի իրացմամբ զբաղվող Lonely Planet ընկերությունը 2012 թվականին Ուտրեխտն ընդգրկել է աշխարհի ամենաուշագրավ տասը վայրերի ցանկում[3]։
