Traiectum ad Rhenum
Vide etiam paginam discretivam: Traiectum
Traiectum ad Rhenum sive Ultraiectum[1] (Nederlandice Utrecht) est urbs circiter 324 000 incolarum in media Nederlandia sita. Quae urbs, a Traiecto ad Mosam distinguenda, est caput provinciae eiusdem nominis.
Historia
Circa annum 40 Romani castra prope flumen Rhenum condiderunt quia hoc loco Rhenum facile transire poterant. Multa castra ad limitem Germanicum Imperii Romani posuerunt. Per indagationem archaeologicam in suburbe porta nuper factam, naves turrisque huius aetatis inventae sunt. Medio Aevo urbs sedes episcopi facta est. Saeculo duodecimo multae ecclesiae erecta sunt. Aspectus mediae civitatis partis etiam hodie mediaevalis fere est. Ecclesia cathedralis turrim magnam dictam Domtoren habet, 112.5 metra altam intra fines olim castrorum Romanorum positam. Musea in meridiana antiquae civitatis parte inveniuntur. Civitas Traiectina propter facilitatem adeundi in regno Nederlandico est sedes plurimarum institutionum.
Geographia
Magno canali dicto Amsterdam-Rijnkanaal Amstelodamum et Traiectum ad Rhenum flumini Rheno et eius aestuario conectuntur.
Institutiones
Anno 1636 Universitas Rheno-Traiectina seu Ultraiectina condita est, temporibus nostris maxima Nederlandiae universitas. Anno 1713 hic Pax Traiecti ad Rhenum signata est, quo foedere Bellum de successione Hispanica finitum est.
Antiquissima sedes episcopi Ecclesiae veteris Catholicae Ultraiecto apud Ecclesiam Sanctae Geretrudis instituta est.[2]
Incolae notabiles
- Hadrianus VI, papa, anno 1459 hic natus
- Heribertus Rosweyde scriptor anno 1569 hic natus
- Gulielmus Mengelberg, concentus magister, hic natus
- Marcus van Basten, pedilusor
- Wesley Sneijder, pedilusor
Notae
Bibliographia
- Daniel Boffey, "Forward-thinking Utrecht builds car-free district for 12,000 people" in The Guardian (15 Martii 2020)
Nexus interni
 | ||||||
| ||||||
