Asizo

Tiu ĉi artikolo traktas la italan urbon Asizo. Pri la jura termino asizo vidu la artikolon asiza tribunalo.

Asizo (itale Assisi; IFA: /asˈsizi/^[1], loka prononco: /asˈsisi/) estas urbo en la itala regiono Umbrio.

Assisi
komunumo de Italio
Ĝemelurboj Bet-Leĥemo • Santiago de Compostela • San-Francisko • Wadowice • Monte Sant'Angelo • Ripacandida vd
Ŝtato	Italio
Regiono	Umbrio
Provinco	PG Peruĝo
Geografia situo	, 12° 37′ O (mapo)43.06666666666712.61666666666743° 4′ N, 12° 37′ O (mapo)
Alto super marnivelo	424 m
Areo	186 km²
Loĝantaro	27 605 (2023)
Loĝdenso	147 loĝantoj/km²
Najbaraj komunumoj	Bastia Umbra, Bettona, Cannara, Nocera Umbra, Perugia, Spello, Valfabbrica, Valtopina
Patrono	Sankta Rufino
Festa tago	12-a de aŭgusto
Nomo de loĝantoj	assisani
Poŝtkodo	06081
Imposta kodo	A475
Kodo laŭ ISTAT	054001
Telefona prefikso	075
Retpaĝo	http://www.comune.assisi.pg.it/
v • d • r

Ĝi situas proksime de la provinca ĉefurbo Peruĝo ĉe monto Subazio. La komunumo etendiĝas sur areo de 186 kvadrataj kilometroj kaj havis 27 605 loĝantojn laŭ la lasta oficiala nombro de 2023.

En Asizo estis fonditaj la katolikaj monaĥaj ordenoj de la franciskanoj kaj de la klaraninoj. La fondintoj, Sankta Francisko kaj Sankta Klara, estas entombigitaj en preĝejoj dediĉitaj al ili: la Baziliko Sankta Francisko kaj la Baziliko Sankta Klara. En 1756 la Baziliko Sankta Francisko nomumiĝis kvina granda baziliko de la Latina Eklezio, kaj en 1906 la la Baziliko Sankta Maria de la Anĝeloj en Asizo nomumiĝis sesa Granda Baziliko (ĉiuj aliaj kvar estas en Romo). Pro tiuj preĝejoj Asizo iĝis la dua plej grava pilgrimejo de katolikismo post Romo.

La Baziliko Sankta Francisko kun la du pliaj bazilikoj kaj aliaj franciskanejoj de la urbo ekde la jaro 2000 apartenas al la monda kultura heredaĵo laŭ UNESKO.