John Gielgud

John Gielgud naskiĝis en South Kensington, Londono, kaj estas nevo de la angla teatra aktorino Ellen Terry. Li estas diplomiĝinto de RADA ("Reĝa Brita Akademio de Arto"), kaj liaj debutoj en la teatro estis en klasikaj roloj ^[1]. Gielgud ludis multajn rolojn en la teatraĵoj de la Royal Shakespeare Company, kaj ankaŭ reĝisoris teatraĵojn por la teatro ^[2]. Lia rolo kiel Hamleto en 1936 estas konsiderita precipe bona ^[3]. Tiam li ludis en la teatraĵoj de Ĉeĥov kaj Ibsen ^[4].

Kvankam li aperis en filmoj jam en la tridekaj jaroj, li ne elstaris en la kampo ĝis poste en sia vivo. Inter liaj konataj roloj en kino :

• Benjamin Disraeli en "La Ĉefministro"
• Gaius Cassius Longinus en la filmo Julio Cezaro
• Duko Clarence en la filmo Rikardo la 3-a apud Laurence Olivier.

Gielgud, male al Olivier, estis ĉefe teatra aktoro. Tra la jaroj li adaptiĝis al la ŝanĝiĝantaj modoj en la teatro, ludante en la teatraĵoj de Harold Pinter. Li ankaŭ estis konata kiel teatra direktoro, kun produktadoj de Ĉeĥov, Ŝekspiro kaj Graham Greene.

En 1981, Gielgud gajnis la Akademian Premion kaj la Premion Ora Globo pro sia rolo kiel la ĉefservisto en la filmo Arturo, kune kun Dudley Moore kaj Liza Minnelli. Li estis vaste laŭdita pro siaj roloj en la filmoj "Sparks", "Finding Richard" kaj "Elizabeth" (en kiuj li ludis la rolon de la Papo).

Inter la elstaraj roloj kiujn li ludis en televido estis en la serio Brideshead Revisited, War and Remembrance kaj Merlin.

Gielgud ricevis kavalirecon en 1953, en 1977 li ricevis Companions of Honour, kaj en 1996 la Britan Merit-Ordenon.

Li aktoradis proksimume 80 jarojn de sia vivo ĝis preskaŭ monato antaŭ sia morto en la aĝo de 96. Gielgud neniam geedziĝis kaj ĵaluze gardis sian privatecon, kvankam estis vaste konata ke li "vivas kun sia persona sekretario". Je lia morto, liaj taglibroj estis rivelitaj, inkluzive de liaj konfesoj koncerne lian samseksemon. La plej multaj britaj kritikistoj difinis lin kiel tiu kiu havas la plej perfektan voĉon de iu brita aktoro, de ĉiuj tempoj.

Filmoj

Televidilo

Aŭtobiografio

• (1939) Early Stages. London: Macmillan. OCLC 250105547.

• (1963) Stage Directions. London: Heinemann. OCLC 255709348.

• (1972) Distinguished Company. London: Heinemann. ISBN 0435183532.

• (1979) An Actor and His Time. London: Sidgwick and Jackson. ISBN 0283985739.

• (1989) Backward Glances. London: Hodder & Stoughton. ISBN 0340429259.

• (1991) John Miller: Acting Shakespeare. New York: Scribner, Maxwell, Macmillan. ISBN 0684195119.

• (1994) Richard Mangan: John Gielgud's Notes from the Gods – Playgoing in the Twenties. London: Nick Hern. ISBN 1854591053.

• (2004) Richard Mangan: Gielgud's Letters. London: Weidenfeld and Nicolson. ISBN 0297829890.

Antologio

• (1979) Sir John Gielgud's Ages of Man. New York: Caedmon. OCLC 15733016.

Aktoraj versioj

• Chekhov, Anton. (1963) The Cherry Orchard. New York: Theatre Arts Books. OCLC 1669979.

• Chekhov, Anton. (1966) Ivanov. New York: Theatre Arts Books. OCLC 1380663.

• 39557 Gielgud

• John Gielgud ĉe Internet Broadway Database (angle)
• John Gielgud ĉe Interreta filma datumbazo (angle)
• John Gielgud ĉe Brita Filminstituto
• John Gielgud at the BFI's Screenonline
• John Gielgud | scenejo| The Guardian
• John Gielgud Arkivo^{[rompita ligilo]} ĉe la brita Biblioteko