Julio de 2022

Jen listo de okazaĵoj en julio 2022:

1-a de julio 2022

• Yair Lapid fariĝis ĉefministro de Israelo estranta provizoran registaron.

2-a de julio 2022

• Aŭtoritatoj de Israelo malpermesis uzadon de flago de Palestino eĉ en la okupaciitaj palestinaj teritorioj.

7-a de julio 2022

• Boris Johnson anoncis sian intencon eksiĝi kiel ĉefministro de Unuiĝinta Reĝlando.

8-a de julio 2022

• Mortis Luis Echeverría, eks-prezidanto de Meksiko.
• En Barcelono (Hispanio) mortis José Eduardo dos Santos, eks-prezidanto de Angolo.
• Iama ĉefministro de Japanio Shinzo Abe estis murdita en Nara.

9-a de julio 2022

• Manifestaciantoj sturmis la prezidentan palacon en Srilanko, la prezidento Gotabaya Rajapaksa fuĝis.

12-a de julio 2022

• NASA publikigas la unuan funkcian bildon fotitan de la kosmoteleskopo James Webb. Pli detale ĉe Vikinovaĵoj.

15-a de julio 2022

• Estis publikigita la unua bildo farita per la proksim-infraruĝa kamerao NIRCam, instrumento de la Kosmoteleskopo James Webb. Pli detale ĉe Vikinovaĵoj.

16-a de julio 2022

• Varmotajdo kaŭzis 510 mortojn dum malpli ol unu semajno en Hispanio.
• Escepta varmotajdo rezultis en cento da incendioj, miloj da bruligitaj hektaroj kaj miloj da senhejmigitoj en Hispanio, Portugalio kaj suda Francio.

23-a de julio 2022

• La Monda Organizaĵo pri Sano deklaras ke la daŭranta epidemio de simia variolo estas publika sankrizo de internacia nivelo.

30-a de julio 2022

• Komenciĝis la 95-a SAT-Kongreso 2022 en Moskvo (Rusio).

31-a de julio 2022

• Futbala teamo de Anglio iĝis gajninto de la Eŭropa ĉampioneco inter virinoj. Pli detale ĉe Vikinovaĵoj.