31-a de julio

julio 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

La 31-a de julio estas la 212-a tago de la jaro (la 213-a en superjaroj) laŭ la Gregoria kalendaro. 153 tagoj restas.

Je la 31-a de julio okazis, interalie:

Eventoj

432: Siksto la 2-a iĝis papo
768: Filipo iĝis papo kaj samtage kiel kontraŭpapo malpapiĝis
904: Araboj prirabis Tesalonikon, la duan plej grandan urbon de Bizanca Imperio
1247: Malsukcesa ribelo de la ĉeĥa nobelaro eksplodis kontraŭ la reĝo Venceslao la 1-a
1331: Dum milito inter Unuigita Pola Reĝlando kaj Ordeno de germanaj kavaliroj la kruckavaliroj konkeris kaj bruligis Gniezno, krom la katedralo kaj monaĥejoj
1431: Dum konflikto inter Krono de la Regno de Pollando kaj Grandprinclando Litovio ribelinta Švitrigaila bataletis apud Lucko
1459: En Brno Georgo de Podebrado ricevis de imperiestro Frederiko la 3-a Reĝlandon Bohemio kiel feŭdo
1498: Kristoforo Kolumbo malkovris la insulon Trinidado
1577: Okdekjara milito: hispana armeo venkis nederlandajn ribelantojn en batalo de Gembloux
1619: En Prago nekatolikaj terposedantoj de la Landoj de Krono Ĉeĥa fondis Konfederacion, ampleksantan Ĉeĥion, Moravion, Silezion, Supran luzacion kaj Malsupran Luzacion
1655: Rus-Pola Milito: rusa armeo por 6 jaroj okupis la ĉefurbon de Grandprinclando Litovio Vilnon
1658: Aŭrangzebo iĝis imperiestro de la Mogola Imperio en Barato
1667: Traktato de Breda finis la duan anglan-nederlandan militon
1689: Irlanda milito: venko de protestantoj super jakobitistoj en batalo de Newtonbutler (en kantono Fermanagh)
1703: Angla verkisto Daniel Defoe ekstaris apud punpilorio pro publikigo de broŝuro estanta politika satiro al funkciuloj de anglikanismo - amasiĝinta popolo ĵetis al senmovigita verkisto – anstataŭ kutimaj ŝtonoj, malpuraĵoj kaj aliaj objektoj – florojn
1750: Jozefo la 1-a iĝis rego de Portugalio
1760: Sepjara milito: venko de brita-hanovra-hesia armeo super la franca en batalo de Warburg
1763: Venko de indianaj otavoj super britoj en batalo de Bloody Run (proksime al Detrojto)
1853: Pola inventisto kaj entreprenisto Ignacy Łukasiewicz publike lumigis kerosenajn lampojn en urba hospitalo de Lvovo (pro neseca operacio)
1856: Christchurch sur la Suda Insulo akiris urborajton kiel unua urbo de Novzelando
1872: Usona astronomo Christian Heinrich Friedrich Peters malkovris asteroidojn Gerdo kaj Brunhildo
1893: Dúbhglás de hÍde fondis en Dublin Gaelan Ligon por promocii la irlandan lingvon
1909: Hispanaj regopovoj subpremis ĝeneralan strikon organizitan en Barcelono de anarkiistoj kaj socialistoj - pereis ĉirkaŭ 100 personoj
1913: Balkana duoninsulo subskribis armisticon en Bukareŝto
Unua Mondmilito
- 1914: Germanio anoncis ultimaton kontraŭ Francio; en Parizo okazis atenco kontraŭ socialisto Jean Jaurès, murdita de franca naciisto; flandra ofensivo de Entento blokiĝis en koto
- 1917: Tria batalo de Ipro komencita en Flandrio inter Reĝlando Britio kun Francio kontraŭ Germana Imperio
- 1918: Pollando: Ŝtata Arkivo de Lublin fondita
1919: La dua abdiko de la rumana princo Karolo la 2-a
1919: Dua Pola Respubliko: Pola Sejmo ratifis Traktaton de Versajlo
1919: Novembra Revolucio: germana parlamento proklamis konstitucion de la Vajmara Respubliko
1920: Soveta-Pola Milito: Ruĝa Armeo ĉe la Okidenta Fronto atingis linion: Kowel–Tykocin–Nowogród
1932: Dua Pola Respubliko: en Gdynia oni unuafoje celebris Feston de Maro
1932: Nacisocialisma Germana Laborista Partio gajnis balotadon al Reichstag, akirante 37,7% da voĉoj - germanaj nazioj formigis plejmultnombran parlamentan partion
1932: Pola sportisto Janusz Kusociński dum Somera Olimpiko en Los-Anĝeleso gajnis oran medalon dum kuro distance de 10 000 m (30:11,4)
1934: Pollando: Stefan Starzyński estis nomumita komisara prezidanto de Varsovio
Dua Mondmilito
- 1940: Germana okupado de Pollando: germanoj entreprenis ekstermigon de Olkusz torturante kaj ĉikanante kelke da miloj de viroj (de 15-55 jaroj) en la urboplaco - pli frue ili murdis 15 malliberulojn de Mysłowice kun 5 loĝantoj de la urbo; Mediteraneo: de Ĝibraltaro oni transigis 12 ĉasaviadilojn de aviadilŝipo al Malto
- 1941: Holokaŭsto: en la nomo de Adolf Hitler marŝalo de Tria Regno Hermann Göring ordonis al SS-generalo Reinhard Heydrich, ellabori "ĝeneralan planon pri la administraj donitaĵoj kaj financaj kostoj necesaj por la dezirata fina solvo de la juda demando"; germanoj deportis 1619 personojn de 12 vilaĝoj en Arbaro de Białowieża; Usono agnoskis ĉeĥoslovakan ekzilan registaron kaj dum gazetara konferenco deklaris, ke ĝi agnoskos neniun ŝanĝon en statuso de Pollando kiel suverena kaj sendependa ŝtato; germana delegito en Svedio postulis tralason de la dua germana divizio - registara rifuzo tralasi ĝin surtere
- 1942: Germanoj pafmortigis en Navahrudak 63 personojn; Heinrich Himmler malpermesis uzi la vorton partizano kaj ordonis anstataŭigi ĝin per "bandito"; Batalo de Atlantiko: germana submarŝipo U-213 estis sinkigita oriente de Acoroj de britaj unuoj - 50-persona skipo pereis; RAF komencis dutagan aeratakon al Düsseldorf; en Taŝkento sovetaj regopovoj subskribis protokolon pri evakuo de la Pola Armeo en Sovetunio al Irano - la forveturon rifuzis grupo de oficiroj ligita kun kolonelo Zygmunt Berling, kiu restante en Sovetunio kreos la Unuan Armeon de Pola Soldataro
- 1943: Germana kampa ĝendarmaro pafmortigis distrikto Bjalistoko 12 personojn, en tio trion de infanoj de 4 ĝis 12 jaroj; en germana urbo Remscheid rezulte de bomba aeratako kaj kaŭzita de ĝi fajra ŝtormo pli ol mil personoj pereis kaj ĉirkaŭ 6 600 estis vunditaj; RAF komencis dutagan aeratakon de Düsseldorf
- 1944: Kadre de Operaco Tempesto taĉmentoj de la Pola Enlanda Armeo kune kun la Ruĝa Armeo kaj la 1-a Ukraina Partizana Divizio liberigis en Lublin-regiono 25 setlejojn kaj sovetaj soldatoj eniris al Siedlce; sovetaj regopovoj arestis en Lvovo ĉirkaŭ 30 oficirojn de la Enlanda Armeo kaj tiean delegiton de la pola ekzila registaro; Pola Subtera Ŝtato: komandanto de subtera Pola Enlanda Armeo generalo Tadeusz Komorowski kundecidis kun delegito de la pola ekzila registaro Jan Stanisław Jankowski, kaj ordonis al komandanto de varsovia areo Antoni Chruściel la 1-an de aŭgusto 1944 komenci je la Horo "W" la ribelon de Varsovio; alia ordono koncernis membrojn de EA el Orientaj Limregionoj eniri al la Unua Armeo de Pola Soldataro, por eviti soldatigon al la Ruĝa Armeo; okcidente de insuloj Scilly estis sinkigita de britoj germmana submarŝipo U-333 kun la tuta skipo, nombranta 45 aŭ 46 personoj; Antoine de Saint-Exupéry, verkinto de La Eta Princo, komencis sur Lockheed F-5 skoltan flugon super suda Francio, de kiu li ne revenis
- 1945: Japanoj perdis sur maroj 111 ŝipojn, en tio 12 de submaraj armiloj
1945: Aliancita Kontrolkonsilantaro kreis por la registaro de Italio eblecon de internacia komerco; Pierre Laval, iama kungvidanto de la reĝimo de Vichy fuĝinta al Aliancanoj, estis arestita en Aŭstrio; Ĉeĥoslovakio: Masakro de Ústí — pogromo de la germandevena civila loĝantaro
1947: Pola Popola Respubliko: finiĝis kampanjo Vistulo, dum kiu el sud-orienta parto de Pollando dum tri monatoj oni deportis al Regajnitaj Teritorioj pli ol 140 mil ukrainojn, lemkojn kaj bojkojn — fino de la Volinia genocido de poloj
1948: Nov-Jorko: malfermo de la Internacia Flughaveno John F. Kennedy
1951: En Varsovio komenciĝis t.n. proceso de generaloj, al kiuj akuzistaro riproĉis spionadon kaj komploton kontraŭ la popola regopovo - i.a. al Stanisław Tatar, Stefan Mossor kaj Jerzy Kirchmayer
1952: Komunista krimo: Plej Supera Armea Tribunalo en Varsovio verdiktis pri 5 mortpunoj kaj 2 kazoj de ĝismorta malliberigo en la justica murdo de t.n. gvidantaro de konspira grupo en Mararmeo, kies membroj estis akuzitaj pri la provo faligi la popolan regopovon
1954: Itala ekspedicio, gvidata de Ardito Desio, unuan fojon surgrimpis K2, la duan laŭ alteco montopinton de la Tero
1959: Vegetarismo: Ministerio pri Interna Komerco anoncis lundon senvianda tago en Pola Popola Respubliko
1959: Eŭska politika separisma organizaĵo Eŭskio kaj Libereco fondiĝis
1969: Paŭlo la 6-a kiel unua papo alvenis al Afriko, komencante sian viziton de Ugando
1974: Kanado: franca lingvo estis deklarita unusola oficiala lingvo en Kebekio
1976: NASA unuafoje publikigis en gazetaro Sfinksan vizaĝon, faritan de la kosmostacio Viking 1 ses tagojn pli frue
Pollando
- 1980: Proteste kontraŭ prezaltigo eksplodis strikoj en 177 entreprenejoj en la tuta Pollando - rezulte de la plej granda strikondo estiĝis Solidareco en la Pola Popola Respubliko
- 1981: Generalo Czesław Kiszczak, kunrespondeca pri enkonduko de la eksterleĝa milita stato en Pollando, iĝis ministro pri internaj aferoj; oni ŝtelis monumenton de Katin el la militista tombejo
1981: Plena suna eklipso videbla super Azio, Japanio kaj Pacifiko
1987: Mekko: iranaj pilgrimoj protestis kontraŭ Usono kaŭzinte tumulton dum kiu batalante kun polico 402 personoj mortis (en tio 275 irananoj) kaj 649 vundiĝis
1988: En barata Kaŝmiro eksplodis separisma islama ribelo pri Ĝamuo kaj Kaŝmiro
1988: Reĝo de Jordanio formale cedis al palestinanoj rajtojn al okupata de Israelo Cisjordanio
1991: Sovetunio: masakro de Medininkai: 7 litovaj neoficialaj doganistoj pereis kaj unu estis grave vundita en atako supozeble farita de OMON kontraŭ kontraŭleĝe instalita litova doganejo ĉe la limo kun Belorusa SSR
1992: Kartvelio aniĝis al Unuiĝintaj Nacioj
1992: Katastrofoj de pasaĝeraj aviadiloj: en ĉina Nankino frakasis Jak-42 (108 viktimoj), kaj apud Katmanduo en Nepalo tajlanda Airbus A310 (113 viktimoj)
2000: Moŝe Kacav iĝis prezidento de Israelo
2002: Bombatenco en restoracio de la Hebrea Universitato de Jerusalemo mortigis 5 studentojn, vundis 85
2004: Malfermo de Muzeo de la Varsovia Ribelo
2006: Kubo: Fidel Castro provizore transdonis regopovon al sia frato Raúl Castro
2008: NASA: esplorado de grundo liverita de la usona kosmosondilo Fenikso atestis ekziston de akvo sur Marso
2011: Siria enlanda milito: pli ol 100 personoj pereis en masakro de Hamao, farita de registara armeo
2011: Komenco de la plej granda de 50 jaroj inundo en Tajlando
2012: Usona naĝisto Michael Phelps iĝis rekordulo pri kolektado de olimpikaj medaloj (superis ukrainan gimnastikistinon Larisa Letinina - 18 medaloj)
2014: 30 personoj pereis kaj 309 vundiĝis en serio de gaseksplodoj (propileno) en la tajvana urbo Kaoŝiung
2016: Pollando: Monda Junulara Tago finiĝis en Krakovo kun partopreno de la papo kaj preskaŭ duonmiliono de pilgrimoj el 187 landoj (parto de ĉina junularo estis de la aviadilejo revenigita de ĉinaj aviadaj servoj)
2019: Solena entombigo sur la Tombejo Powązki en Varsovio de la urno kun postrestaĵoj de kapitano Ryszard Białous, revenintaj de Argentino, kiu kiel skolta batalionestro batalis dum la tuta ribelo de Varsovio, de Wola tra kelkaj kvartaloj
Invado de Rusio en Ukrainion
- 2022: 158-a tago de rusa agreso: Ukraina Mararmeo reĵetis akuzon de Rusio pri atako de senpilotaj aviadiloj al Sebastopolo kun aserto ke tio estis preteksto por nuligi paradon okaze de la Tago de la Rusia Mararmeo; per raketoj HIMARS ukraina armeo detruis trajnon kun 40 vagonoj, transportantan de Krimeo al Ĥersona provinco armeanojn kun armiloj kaj municio — 80-200 soldatoj estis mortigitaj aŭ vunditaj; en Mikolajivo pereis ukraina entreprenisto pri eksporto de greno kies domon trafis misilo; prezidanto de Ukrainio alvokis loĝantojn de Donbaso al evakuo promesante ĉiuspecan helpon; de la invadkomenco en Ĥarkiva provinco pereis 996 civiluloj, inkluzive de 48 adoleskantoj, lastan semajnon viktimnombro kreskis je 14 personoj; ukraina armeo ricevis senpilotajn aviadilojn de Fondaĵo de Petro Poroŝenko; Centro de Kontraŭbatalo pri Misinformado ĉe Konsilio de Nacia Sekureco: rusoj preskaŭ 60 fojojn pli ofte atakas civilajn celojn
- Mondreago: Usono ĝis nun akceptis pli ol 100 mil ukrainajn rifuĝintojn; Varsovio atribuis honoran civitanecon al urbestro de Lvovo
- 2023: Pasinttage rusia armeo perdis 490 soldatojn; ekde junio en 8-a matena atako de 3 senpilotaj aviadiloj al Moskvo unu turdomo estis damaĝita — rusaj amaskomunikiloj prisilentas la atakon; rusa aviado detruis en julio ĉ. 180 000 tunojn da cerealo dum 9 tagoj; sur turdomon en Krivij-Riho falis 2 rusaj pafaĵoj — mortis ne malpli ol 6 personoj (inkluzive de patrino kun filino), kaj 75 estis vunditaj; rusaj atakoj al Ĥersono mortigis 4 persojn, 17 estis vunditaj, kune kun 16-jara knabino; en bataloj pereis 5 volontuloj el Belorusio, batalantaj flanke de Ukrainio;
- Mondreago: BBC: komandanto de 20 ukrainaj kaŝpafistoj: ĝis nun rande de Baĥmut ni likvidis 524 rusojn; Ukrainio rivevis de Usono gratifikon de 1,25 mld da dolaroj; Parlamento de Moldavio plilongigis krizostaton je laŭvicaj 60 tagoj; 28 neeksplodaĵojn oni trovis sur strando apud Istanbulo; laŭ enketa raporto ne malpli ol 81 personoj el la antaŭmilita listo de "Forbes" 200 plej riĉaj rusoj malferme provizis rusian armeon; rusia disidento Vladimir Kara-Murza akuzita pri ŝtatperfido; polaj urboj aliĝis al rekonstruo de Mariupolo; Ĉinio limigas eksporton de senpilotaj aviadiloj kaj iliaj partoj; 3 ŝipoj trarompinte rusan blokadon alproksimiĝas al havenoj en Danubo; ambasadorino de Usono ĉe UN: ajna atako de Grupo Wagner kontraŭ Pollando estos konsiderita kiel atako de Rusio
2023: Pollando: Konsekrado de milita tombejo en Pomiechówek (Distrikto Nowodworski), memore al 79-a datreveno de la lasta amasa ekzekuto de 281 soldatoj — en la estinta germana torturekzekutejo pereis 15 000 poloj kaj polaj judoj;