Kabaredo

Kabaredo estas trinkejo aŭ vesperkunvenejo, kie poetoj kaj kanzonistoj prezentas siajn proprajn verkojn; humura literatura kunveno ^[1].

Laŭ Francisko Azorín Kabaredo estas Publika saloneto por amuzaĵoj, gajaj prezentadoj, danco k. trinkado. Koncertokafejo.^[2] Li indikas etimologion el grekaj kape (manĝejo), kaj kapto (manĝi) kaj de tie kaparis, kaparetum, cabaret.^[3]

Famaj kabaredistoj en Esperantujo estis Raymond Schwartz kaj lia edzino Marguerite Schwartz (sub pseŭdonomo Marga Rineta). Saša Pilipović kaj Sanja Matejić ludis la teatraĵon Kabaredo en Gotenburga UK.