Paris brûle-t-il ? (filmo)

Paris brûle-t-il ? estas historia epopeo, kiu priskribas la lastajn semajnojn de la dua mondmilito en Francio, interalie en Parizo, ĝis la liberigo de la ĉefurbo en aŭgusto 1944.

Ago estas fokusita al rezistaj faroj, kiuj kontribuis al la malvenko de la germana armeo, kaj al la ĉefaj personecoj de tiu periodo: usona generalo Patton, germana generalo von Choltitz, Jacques Chaban-Delmas, unu el la tiamaj ĉefoj de rezistado, generalo Leclerc, ktp.

La fino de la filmo insistas pri la ordono donita de Adolf Hitler al la okupanta armeo, detrui Parizon antaŭ ol kapitulaci, eksplodigante pontojn kaj monumentojn. Generalo von Choltitz fine malobeos al tiu ordono kaj senkondiĉe transdonos sin al aliancanoj, tiel savante Parizon de detruo.

Kun rolularo de superprodukto, Paris brûle-t-il ? tamen ne estas stelula filmo, sed reprezentas per maniero preciza kaj kvazaŭ dokumenta tiun periodon turmentitan kaj gravegan por la historio de Francio kaj Parizo.

• Titolo: Paris brûle-t-il ?
• Reĝisoro: René Clément
• Scenaro: Gore Vidal, Francis Ford Coppola, Jean Aurenche kaj Pierre Bost adaptita de libro Paris brûle-t-il? de Dominique Lapierre kaj Larry Collins
• Aldonaj dialogoj: Marcel Moussy (francaj scenoj) kaj Beate von Molo (germanaj scenoj)
• Muziko: Maurice Jarre
• Arta direktado: Marc Frédérix, Pierre Guffroy
• Formato: Nigra-blanka - krom fina prezento: kolora
• Landoj: Francio, Usono
• Daŭro: 175 minutoj
• Aperdatoj en kinejoj:
  • Francio: 26-a de oktobro 1966
  • Okcidenta Germanio: 28-a de oktobro 1966
  • Svedio: 2-a de novembro 1966
  • Usono: 10-a de novembro 1966 (Nov-Jorko)
  • Unuiĝinta Reĝlando: 7-a de decembro 1966 (premiero en Londono)

Aktoroj kredititaj

Aktoroj ne kredititaj

• Cent okdek lokoj de filmado estis necesaj al la filmo.

• La titolo de la filmo devenas de la legendo laŭ kiu Hitler estus telefoninta al von Choltitz, rifuĝinta en sia hotel-ĉambro de Faubourg Saint-Honoré, kaj estus kolere kriinta al li: «ĉu Parizo brulas?».

• Oni ekvidas figurantojn Michel Berger kiel «Ĉefo de eksplodiloj», Michel Fugain kaj Michel Sardou kiel «Rezistantaj studentoj», ĉiuj tri ne kredititaj.

• Claude Rich ludas du rolojn en la filmo: generalo Leclerc (kun lipharo) kaj leŭtenanto Pierre de la Fouchardière (sen lipharo). Tamen li estas kreditita nur por la rolo de generalo Leclerc. La fakto, ke li enkarnigas la junan leŭtenanton ne estas hazardo. Fakte, dum la eventoj de la liberigo de Parizo, Claude Rich, juna adoleskanto, admiris la glorajn farojn de la militistoj en la stato. Pierre de la Fouchardière, lin vidinte, ordonis al li reeniri, por ŝirmi lin de la danĝeroj kiuj minacis la soldatojn. Pierre de la Fouchardière poste liberigis la senatejon de germana okupado.

• La muzika temo komponita de Maurice Jarre fariĝos sukcesa kanzono emblema al Parizo, «Paris en colère», dank'al la teksto de Maurice Vidalin kaj la interpretado de Mireille Mathieu.

Portalo pri Filmo

• Paris brûle-t-il ? en IMDB