Roger Guillemin

Roger Charles Louis GUILLEMIN (naskiĝis la 11-an de januaro 1924 en Dijon, Burgonjo, Francio - mortis la 21-an de februaro 2024, en San-Diego, Kalifornio en Usono) estas franca kuracisto, biologo, kaj neŭrosciencisto. Li ricevis la usonan Nacian Medalon de Scienco en 1976 kaj la Nobel-premion pri Fiziologio aŭ Medicino en 1977, por priskribado de peptidhormono produktita en la cerbo. Li dividis la premion kun Andrew Schally kaj Rosalyn Sussman Yalow ^[1][2].

Roger Guillemin
Nobel-premiito
Persona informo
Roger Guillemin
Naskonomo	Roger Charles Louis Guillemin
Naskiĝo	11-an de januaro 1924 (1924-01-11) en Diĵono
Morto	21-an de februaro 2024 (2024-02-21) (100-jaraĝa) en San-Diego,  Usono
Lingvoj	franca • angla vd
Loĝloko	Usono vd
Ŝtataneco	Francio • Usono vd
Alma mater	Universitato de Montrealo • Universitato de Burgonjo • lycée Carnot vd
Profesio
Okupo	endokrinologo • biokemiisto • universitata instruisto vd
Laborkampo	medicino • fiziologio • endokrinologio vd
Postenoj Postenoj Direktisto de scienca esplorado en CNRS vd
Honorigoj Honorigoj Albert Lasker Award for Basic Medical Research • Nobel-premio pri fiziologio aŭ medicino • Canada Gairdner International Award • Nacia Medalo de Scienco • Komandoro de la Honora Legio • Premio Dickson pri Medicino • honorary doctorate at the Laval University • Fellow of the American Academy of Arts and Sciences • honorary doctorate of the Autonomous University of Madrid • honorary doctor of the University of Chicago • honorary doctor of the University of Sherbrooke • honorary doctor of the University of Manitoba vd
Membrecoj Membrecoj Usona Nacia Akademio de Sciencoj • Akademio de Sciencoj de Francio • Usona Akademio de Artoj kaj Sciencoj • Akademio Nacia de Medicino • Usona Asocio por la Altniveligo de Scienco • Serba Akademio de Sciencoj kaj Artoj vd
vd	Fonto: Vikidatumoj
v • d • r

En 1949, Guillemin finis sian edukon kiel kuracisto ĉe la medicina fakultato de la Université de Liono, kaj vojaĝis al Montrealo, Kebekio en Kanado. Tie li laboris kun Hans Selye ĉe la Instituto de Eksperimenta Medicino kaj Kirurgio ĉe la Universitato de Montrealo kaj en 1953 li ricevis sian Ph.D. tie. Li translokiĝis al Usono en 1953 por labori ĉe Baylor College of Medicine en Houston, Teksaso. En 1965 li naturiĝis kiel usona civitano ^[3], kaj en 1970 li helpis fondi la Instituto Salk en La Jolla, Kalifornio. Li laboris pri la Instituto Salk ĝis sia emeritiĝo en 1989.

Guillemin kaj Andrew V. Schally malkovris TRH (en, Tiroidotropin-liberiga hormono) kaj GnRH en siaj respektivaj laboratorioj. Pro tio li ricevis la nobelpremion en 1977. La procezo de scienca malkovro en la laboratorio de Guillemin estis la temo de studo farita fare de Bruno Latour kaj Steve Woolgar, kiel publikigita en la libro Laboratory Life ^[4].

Guillemin, kune kun aliaj nobelpremiitoj, subskribis peticion petante delegacion de la Komitato de Unuiĝintaj Nacioj pri la Rajtoj de Infanoj viziti Gedhun Choekyi Nyima, junan tibetanon kiu estas en hejmaresto en Ĉinio ekde 1995, kiu estis anoncita de la 14-a Dalai-lamao, Tenzin Gyatso, kiel renenkarniĝo de la Panĉen-lamao (la dua plej grava titolo inter la religiaj aŭtoritatoj en Tibeto).